Yob 14:12 - Ebaibul

¹² ituŋanan daŋ ebokakinio kwap nyetakanu nabo; akitodol ŋina edaunor kidiama, nyeyarunete jik ŋulu atwaka, kori nyitonyounio ikes jik anajo kec.

Yob 14:12 Iomraidhean Croise

Yob 3:13

Kaperi ca tokona ayoŋ analyal atakina cek, kaperi ca tokona ayoŋ pa ayeni ŋadi; ido keeŋunit,

Yob 30:23

Ayeni ayoŋ atemar ikiyait iyoŋ ayoŋ natwanare, neni eloseneneete ŋituŋa ŋulu tokona eyarete daadaŋ.

Yob 7:21

Kaanukiro nyikisyonio iyoŋ ayoŋ aŋuna abilya ŋikisila, ido tolema asecit kaŋ? Alotooma apaki ŋina euruwuana, alomari ayoŋ nalup, ikiwari iyoŋ ayoŋ, nai nyarubakini arae ituŋanan.”

Yob 7:9

Lopite ŋolo ielielaaror edou, ido toŋopiya, eŋopiyanarete ŋulu eloseneneete nakibois a ŋikatwak nyetakanut nabo jik;

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 90:5

Ikilemanari iyoŋ isua atipei, ikikwaan isua ka akiruja, kori ŋinya ŋulu elibak taparacu ani esoŋakini akoloŋ torinyiyosi;

Ekal. 11:8

Emaikina ŋituŋa elakara ŋikaru daadaŋ ŋulu iboiyoto ikes anakwap a na, nai emaikina ikes etamunito atemar elalak nooi ŋikaru ŋulu eyakaun ituŋanan ekaku ka akiyar a na, ŋuna daadaŋ epote erae ŋakoŋinae.

Ekal. 12:5

Ikitimi iyes apaki ŋin adokanar nakiboisyo ŋuna aoyak, ikuryaketa iyes alosit make alorotin. Apaki ŋin ekwaŋunete ŋitim anakyes kus, ilosete iyes itiŋaarito ŋawat kus alosit, ido edaun ekibure eyai neni kus. Erae ŋun, anerae emaikina ŋituŋa daadaŋ toloto lore apolon, ido kisyakis nai ŋituŋa akiŋaiŋaa alorotin aŋuna a ŋini alot lore apolon.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 51:6

Kireosi kidiama, toripiyasi kwap ŋalup; anerae eŋopiyarete ŋisubuna ŋulu alokidiama lopite ŋolo eŋopiyarya apuru, enyamun akwap lopite ŋolo enyamunor elou ka etwakete ŋulu iboiyete anakwap lopite ŋolo etwakyata ŋikamicirwa. Nai erubakini aiuno ŋina ebunit aneni kaŋ ŋikaru ka ŋikaru ka nyedaun alakuno ŋina ebunit aneni kaŋ jik.

Isa. 65:17

“Eapi ayoŋ asubun nakuj ŋinakitete ka akwap ŋinakitete, nyetamunio nabo ŋiboro ŋuluŋorok, kori nyerubakinete eya natameta.

Isa. 66:22

Erubakinio enyaritae ekiro kus ka ŋiletok kus lopite ŋolo erubakiniata nakuj ka akwap ŋunakitet eyakasi.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Mat. 24:35

Edaunosi nakuj ka akwap, nai nyedaunosi ŋakaakiro jik.

Ŋitic. 3:21

Itemokino Kristo kiboi anakuj akitodol apaki ŋina ituruworya Akuj ŋiboro daadaŋ ŋikitet, lopite ŋolo koloŋ alimunitor iŋes alorwor a ŋikadwarak keŋ a ŋulu asegak.

Ŋirom. 8:20

Anerae aponi ŋisubuna daadaŋ totubokinae aruwor ŋikoŋinae, meere aŋuna ka acamit kec, nai aŋuna acamitor Akuj kitiyakin ŋun. Torae bo ayai akigeno na,

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 21:1

Abu nai oanyuwa nakuj ŋina kitete ka akwap ŋina kitete. Apotu nakuj ŋina esyaunan ka akwap ŋina esyaunan toŋopiasi; toŋopia anam daŋ.