Yob 12:9 - Ebaibul

⁹ Alu alosubuna a ŋul a daadaŋ, emamukatar ayenut atemar Akuj iŋes eyakatar ikes.

Yob 12:9 Iomraidhean Croise

Akisy. 1:20

Tema Akuj, “Toyakaun nakipi ŋityaŋ ŋulu elyato, ŋulu eyarete ka toporo ŋikyeny anariwo a ŋina alokidiama akwap.”

Yob 12:3

Nai, ayakar ayoŋ daŋ ayenut lopite ŋolo pei eyakar neni kus; nyadit ayoŋ aneni kus. Ŋae nyeyeni ŋakiro ŋuna irworosi iyes?

Yob 12:8

kori kiŋit ŋikito, ikiteyenikis iyoŋ ŋuna ka Akuj, ido ikiteyenikinete ikes iyoŋ, ka kiŋit ŋisubuna ŋulu eya nakipi, ikiteyenikis iyoŋ ŋuna ka Akuj, ido ikiteyenikinetes ikes iyoŋ.

Yob 13:1

“Kiirasi, eŋolik ayoŋ ŋakiro ŋun daadaŋ, eira ayoŋ ŋakiro ŋun ka ayenu ayoŋ ikes.

Yob 22:18

Toris bo Akuj kilelebik nakais kec ŋiboro ŋulu alalak, nai nyikiryama ayoŋ ka ŋuna eyeete ŋikaronok.

Isa. 41:20

ikotere iŋolikinete daadaŋ ka toyenut; ikotere etamatamaete ŋituŋa daadaŋ ka toyenut atemar Ekapolon etiya ŋun a apedor keŋ ka eyenunete atemar, Akuj ŋina asegan ŋina a Isirael iŋes emyek ŋun itiyakin.”

Dan. 5:18

Okoe erwosit, abu Akuj ŋina alokidiama nooi inak papa kon Nebukadinesar aruwor erwosit, arwonu, apolou ka ailiil,

Dan. 9:17

Aŋun tokona, okoe Akuj kosi, kiira akilip a eketiyan kon ka adyekitoi keŋ ka aŋuna ka akipuryo iyoŋ Ekapolon, kiŋolik anajokis kon akibois kon ŋina asegan ŋina tokona adaun akitisilun.

Ŋitic. 19:35

Kelunyar apaki ŋina aoyan, kisililiŋ ekaran ŋolo ke etaun ikes tolimok tema, “Ŋikilyok ŋulu ke Epeso, eyenete ŋituŋa daadaŋ atemar Epeso iŋes erae eketen akai ŋina ka akuj a ŋina enyaritae Artemis a ŋina apolon ka etorube keŋ ŋolo adouni anakuj.

Ŋirom. 11:36

Anerae abu iŋes tosub ŋiboro daadaŋ ka itorunito ŋiboro daadaŋ neni keŋ ka eyakasi aŋuna keŋ. Toyai apolou neni ka Akuj ŋikaru ka ŋikaru! Amen.

1 Sam. 2:7

Ituruwonori Ekapolon ŋituŋa ŋice ŋikabarak ka ŋice ŋikulyak; ituruwonori ŋice ŋicaryo ka ŋice ŋikarwok.