Yob 12:23 - Ebaibul

²³ Ituruwonori Akuj ŋakwapin ŋuna egogoŋ, ani ekaku tomunya ikes; enyae iŋes ŋakwapin, ani ekaku kitoŋopiya.

Yob 12:23 Iomraidhean Croise

Ŋikiru. 107:38

Abu Ekapolon kiterereŋ ikes, topitut nooi, ido abu Ekapolon nyecamak ŋibaren kec ekudyokunete.

Ŋikiru. 107:39

Ani apaki ŋina akudyokunioto ŋituŋa ŋul ka ŋina apapanuniata, aŋuna ka akiimakinit ka ŋican ta akiyaloloŋ,

Awos. 1:20

Aŋun, abu Akuj torimaanik ŋakesidook ŋun; ido apotu ŋituŋa kec Ŋiburaniyae topitut tolalaketa nooi.

Awos. 1:7

Nai apitaka Ŋisirael, ido apotu topitut nooi, toruworos ŋituŋa ŋulu alalak, kilelebunos nakwap a Ijipit.

Isa. 26:15

Okoe Ekapolon itolalau iyoŋ akwap kosi, iyatak iyoŋ akwap kosi alowaetin a daadaŋ; aŋun ikitopolooritae iyoŋ.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 51:2

Totamutu Aburaam papa kus ka Sara ŋina ikidouni iyes. Apaki ŋina anyaraa ayoŋ Aburaam, arae iŋes epei bon, nai abu ayoŋ eterereŋ iŋes eturuwo iŋes ŋituŋa ŋulu alalak.

Isa. 60:22

Tari ekal ŋolo sek edit aneni kec, eruwor ateker, eruwor ateker kec ŋina sek edit akwap apei. Arae ayoŋ Ekapolon, esiyookini ayoŋ ŋun atipei anapaki a ŋina itemokino.

Isa. 9:3

Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Yer. 30:19

Epote ŋituŋa ŋul aeore ŋieosyo ŋulu ka alakara ka ecelunete elelyanete, eterereŋi ayoŋ ikes tolalata, nyekudyokunete ikes; ainakini ayoŋ ikes kitopolooroe, nyejamuwaryo ikes nabo.

Yer. 33:22

Ikwaŋina nyepedorotor ŋiboorei ŋulu alokidiama akimarun ka nyepedorere asinyon ŋina ka anam akipimun neni etya, ikwaŋinapei etalalauni ayoŋ ŋiletok a eketiyan kaŋ a Daudi ka ŋilepi ŋulu eketiyanakinete ayoŋ.”

Sakar 10:8

“Anyarauni ayoŋ ŋituŋa kaŋ, ido ocunak ikes daadaŋ nakwap kec. Aiuni ayoŋ ikes, ido etipituni ikes, tolalata ikwapei sek ayakatar.

Ŋitic. 17:26

Abu Akuj tosub ŋibukui a ŋituŋa daadaŋ alokile ke epei, kisiboik ikes nakwap daadaŋ, kedau atubun apaki ŋina eyaryata ka neni iboikinosi.