Yob 12:10 - Ebaibul

¹⁰ Napedor ŋina ka Akuj iŋes eyai akiyar a ŋinibore a daadaŋ a ŋini eyari ka ekieŋanu ŋolo eyaryata ŋituŋa daadaŋ, erae neni ka Akuj ebunitor.

Yob 12:10 Iomraidhean Croise

Akisy. 2:7

Toyeu nai Ekapolon Akuj ituŋanan a ŋalup, tokutak ekieŋanu ŋolo erae akiyar lokumes a ituŋanan; toruwor ituŋanan ŋin ŋini eyari.

Akisy. 6:17

Kiira! Eyakuuni ayoŋ akalele nakwap, ikotere emunyari ŋituŋa ŋulu eriŋa eyarete daadaŋ, etwani ibore daadaŋ ŋini eyari anakwap.

Yob 27:3

ani ca keriŋa ayoŋ ayari eeŋa, keriŋa ekieŋanu ka Akuj itorunit lokumes kaŋ,

Yob 27:8

anerae nyo erae akigeno a ŋulu nyiwuapito ŋuna ka Akuj apaki ŋina elemarya Akuj ikes, apaki ŋina elemarya Akuj akiyar kec?

Yob 33:4

Erae etau ŋolo ka Akuj iŋes ayakar ayoŋ arae ituŋanan, ekieŋanu ŋolo ka Akuj a ŋina etiron iŋes akainakinit ayoŋ akiyar.

Ŋikiru. 104:29

Ani iŋeri iyoŋ ikes, ebuli; ani ilemari iyoŋ ekieŋanu kec, etwakete, toruworos ŋalup.

Ŋikiru. 104:30

Ani iinakini iyoŋ ekieŋanu neni a ŋisubuna kon, eyakaunosi nakwap, iwuanakini iyoŋ nakwap ŋisubuna kon ŋulukitet;

Ekal. 9:1

Abu ayoŋ otamatama ŋakiro ŋun daadaŋ, ido abu oyenu atemar napedor ŋina ka Akuj iŋes eyakasi ŋulu iyookino ka ŋikaosok ta ŋuna itiyaete ikes, nai mam ituŋanan eyeni kerae amina ebuni neni keŋ; kori ŋiman epote neni keŋ.

Isa. 42:5

“Alimu Akuj, Ekapolon ŋakiro nu atemar, Ŋae asubuni kidiama, ido topetak ariwo? Ŋae apetakini akwap ka etolomuni ibore ŋini elomunit anakwap? Ŋae einanakini ekieŋanu neni a ŋituŋa a ŋulu iboiyete anakwap ka neni a ibore a daadaŋ a ŋini elosi anakwap?

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Yoa. 3:6

Ŋini idounitoe ka akuwan erae akuwan; ŋini idounitoe a Etau a ŋolo ka Akuj, erae etau.

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

Ŋitic. 17:28

Anerae ebookoi ebe: ‘Ikiyari, ikilosi ka ikiya iwon aŋuna ka Akuj.’ Ikwaŋinapei ebaakatar ŋikegirak kus ŋice ebe, ‘Ikirae iwon kire ŋiletok keŋ.’