Yob 11:6 - Ebaibul

⁶ kerae ca itolimok iŋes iyoŋ ŋakiro ŋuna imunono ŋuna ka aosou! Anerae elalak ŋakiro ŋuna eya naosou, toyenu nai atemar ikisican iyoŋ Akuj iwadio, akilo neni emaikina ikisicanere iyoŋ aŋuna ka asecit kon.

Yob 11:6 Iomraidhean Croise

Esir 9:13

Atakanut ŋun daadaŋ neni kosi aŋuna a ŋiticisyo kosi a ŋulu aronok ka aŋuna a ekaile a ŋolo apolon, aŋuna ibunio iyoŋ Akuj kosi nyikisican isua lopite ŋolo amaikina ikisicanere isua aŋuna a ŋasecisya kosi, ido ikideu isua lupei lu ikirae ŋipiya,

Yob 11:5

Nai kerae ca okoe topedori Akuj alimun ŋadi tokona, kirworik neni kon,

Yob 12:13

“Akuj eyakar aosou ka agogoŋ, eyakar iŋes ŋuna eŋarakinak alokiŋaren ka ayenut.

Yob 15:11

Ecaryooko mono aneni kon ŋakiro ŋuna ecamitor Akuj akisirworiun iyoŋ a? Kori akirot ŋina ikimaimayere iyoŋ a?

Yob 15:5

anerae aronis kon iŋes ikiinak iyoŋ akirworo lopite ŋolo irworor iyoŋ; idau iyoŋ aseun akirworo lopite ŋolo irworotor ŋimodiyanotin.

Yob 15:8

Eya mono ŋakiro ipupok iyoŋ anatukot a ŋina eyea Akuj ŋakiro a? Neni kon mono bon irirakinit iyoŋ aosou a?

Yob 22:5

Mam jik! Ikisicani iyoŋ Akuj, anerae elalak ŋasecisya kon nooi ka emam akisalet a ŋasecisya kon.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 33:12

“Nai nyiyookinit iyoŋ anakiro a ŋun, Akaboŋokini ayoŋ iyoŋ; epol Akuj akilo ŋinituŋanan daadaŋ.

Yob 9:4

Eos Akuj nooi ka erae agogoŋu keŋ ŋina etiron, ŋae mono abu kitiji Akuj, ido kilou?

Ŋikiru. 103:10

Nyikisicani iŋes iwon alopite a ŋolo emaikina ikisicanere iwon aŋuna a ŋasecisya yok, kori nyikicani iŋes iwon alopite a ŋolo emaikina ikisicanere iwon a ŋuna a ŋadyakanareta yok.

Ŋikiru. 25:14

Erae Ekapolon ekone a ŋulu itopoloorito iŋes, ido itatamununui Ekapolon ikes acamunet keŋ.

Aum. 3:22

Nyedaun amina ke Ekapolon ŋina nyiryaŋiryaŋa, nyedaun akisyon keŋ;

Dan. 2:28

nai eyai Akuj ŋina eyai nakuj ŋina isileereuni ŋakiro ŋuna imunono ka adau iŋes akiteyenikin erwosit Nebukadinesar ŋakiro ŋuna itiyakinosi alorwa a ŋulu eponito. Ŋakiro ŋuna ibu iyoŋ kiruja ka ibu iyoŋ kiŋolik anakiruja apaki ŋina iperyo iyoŋ alokitaada kon ikes nu:

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Mat. 13:35

Etiyae iŋes ŋun, ikotere kiyookinotor ŋuna kirworit ekadwaran ebe, “Erwori ayoŋ neni kec a ŋakitadapeta, alimori daŋ ŋakiro ŋuna ewuaitae ameun anasubunet akwap.”

Ŋiep. 3:5

Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Ŋikis. 29:29

Erae ŋakiro ŋuna imunono ŋuna ke Ekapolon Akuj yok, nai ŋakiro ŋuna isileereunitoe, erae ŋuna yok ka ŋuna a ŋidwe yok ŋikaru ka ŋikaru, emaikina iwon ewuapa ŋakiro daadaŋ ŋuna a ŋikisila a ŋul.”