Yob 1:8 - Ebaibul

⁸ Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 1:8 Iomraidhean Croise

2 Ŋirw. 23:25

Amam sek ekiŋaren erwosit ece ŋolo ekoni Yosia ŋolo ewuapit Ekapolon a etau keŋ a daadaŋ ka anakiyar keŋ a daadaŋ ta anagogoŋu keŋ a daadaŋ anakiwuapit ŋikisila a Moses. Mam tari erwosit ece ŋolo abu min ekaku keŋ ŋolo etiyae ŋuna etiyat iŋes.

Neem. 5:15

Ŋikepukak ŋuluce daadaŋ ŋulu epukato eriŋa ayoŋ, atiŋito ŋituŋa erono nooi, ejaununeete akimuj ka epiini aneni kec, pa imaritae ŋicekelya ŋatomoniomwon ŋulu ke esilipa ŋulu alemununeete ŋituŋa. Ŋiketiyak kec daŋ arae ŋikepukak. Nai nyitiya ayoŋ ŋun, anerae etopoloorit ayoŋ Akuj.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 12:4

Aruwor ayoŋ ŋolo akakyenatar ŋikonei kaŋ; ayoŋ ŋolo sek eŋisenene Akuj ekeŋarak, ido abu ekeŋarak ayoŋ ŋolo sek eyookino, ŋolo amam ŋuna eketoroniyaritere, aruwor tokona ŋolo akakyenare.

Yob 2:1

Akoloŋit apei tocunakinos ŋisubuna ŋulu anakuj kiŋaren Ekapolon, abu Satan daŋ bu neni acunakina ikes akitoodiun kiŋaren Ekapolon.

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 34:14

Ani ketubu Akuj akinyakar neni eyai iŋes ekieŋanu keŋ ŋolo ka akiyar, tocuna neni keŋ alope ekieŋanu keŋ,

Yob 8:20

“Kiirasi, nyeŋeri Akuj ituŋanan ŋini iyookino, kori nyepedori akiŋarakin ŋulu itiyaete aronis.

Ŋikiru. 18:23

Mam ŋakiro aronia ayoŋ alokiŋaren keŋ, mam asecit etiyat ayoŋ.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Ŋikiru. 36:1

Ani eseci ituŋanan, eyenuni alotau keŋ ŋuna itiyakini asecit neni keŋ; emam akitopoloorit Akuj anakiyar a ituŋanan a ŋin.

Ŋikiru. 37:27

Toŋero aronis, kitiyata ajokis; ido erubakinete ŋiletok kus iboiyete anakwap kus,

Ŋikiru. 84:11

anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

Ŋikiru. 89:20

Aryamu ayoŋ Daudi eketiyan kaŋ; eosak ayoŋ iŋes akimyet kaŋ ŋina asegan.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Isa. 1:16

Tomookunos, kitesegunos, tojoŋoto akitiya ŋuna aronok alokiŋaren kaŋ, tojoŋoto akitiya ŋuna aronok,

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Esek. 40:4

Abu ekile ŋol tema neni kaŋ, “Lokoku a ituŋanan, kiŋolik ejok ediyediye ka topupok ejok nooi, yau ŋatameta kon neni a ibore a daadaŋ a ŋini alosi ayoŋ akitoodikin iyoŋ, anerae aponi iyoŋ ikiyaun ne, ikotere eketoodikini ayoŋ iyoŋ ibore daadaŋ. Emaikina iyoŋ tolimok Ŋisirael ibore daadaŋ ŋini iŋolikini iyoŋ a ne.”

Ekim. 12:3

Arae Moses ituŋanan ŋini etiditeuna bon nooi akilo ŋituŋa daadaŋ anakwap.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Yos. 1:2

“Atwana eketiyan kaŋ Moses. Aŋun, tonyoutu tokona ka Ŋisirael todoka aŋolol Yorodan, tolomasi nakwap ŋina ainakinit ayoŋ Ŋisirael.

Yos. 1:7

Togogoŋior iyoŋ erae agogoŋior ka totitinyor nooi, kimukekinite akiwuapit Ŋikisila daadaŋ ŋulu abu eketiyan kaŋ Moses ikicikak iyoŋ. Nyijamak tari epei a Ŋikisila a ŋul, ikotere ani neni ilosi daadaŋ, topedo akitiya ŋuna ilosikinit.