Yob 1:3 - Ebaibul

³ Ayakar iŋes ŋamesekin ŋalipyo ŋakanikaarei, ŋikaala ŋalipyo ŋauni, ŋimoŋin aliput, ŋisigirya ŋamiae ŋakan ka ŋiketiyak ŋulu alalak nooi. Aŋun arae Yob ekile ŋolo abarit nooi akilo ŋituŋa daadaŋ ŋulu a ŋakwapin a ŋuna alo Kide Yorodan.

Yob 1:3 Iomraidhean Croise

Akisy. 12:16

Aŋuna ka aberu a ŋin, abu Parao kitiya ŋuna ajokak neni ka Aburam; inak Parao Aburam ŋamesekin, ŋimoŋin, ŋisigirya, ŋipi ka ŋapi, ŋasigirya ka ŋikaala.

Akisy. 12:5

Towotokis Aburam ka aberu keŋ Sarai ka Lot lokoku alokaato keŋ, towuotokiniata ibore daadaŋ ŋini aris ikes keryamut eya Aran; kaapei ka ŋituŋa daŋ. Towotokis ikes alo Aran tolomiyasi nakwap ŋina a Kanaan. Ani edolete ikes Kanaan,

Akisy. 13:6

Pa apedorit ebari kec akisiboi ikes kaapei anakwap a ŋin, anerae alal ebari kec nooi.

Akisy. 24:35

Adau Ekapolon akiterereŋ nooi ekapolon kaŋ, abar iŋes nooi, ainaki Ekapolon iŋes ŋamesekin, ŋaatuk, ŋikaala ka ŋisigirya, esilipa ka egolid, ŋiketiyak ka ŋaketiyak.

Akisy. 25:6

Ani eriŋa Aburaam eyari, inak ŋidwe a ŋaberu keŋ a ŋuna pa eitit ŋainakineta, ido kirita ikes aneni a Isaka alokoku keŋ. Toloto ŋul lowae ŋolo alo Kide, nakwap ŋina ayai Kide.

Akisy. 29:1

Torotok Yakob a nen, tolot kiŋaren, todol nakwap a ŋituŋa a ŋulu eboiyete alowae a ŋolo alo Kide.

Akisy. 32:14

Togolok ŋamee ŋamiae ŋaarei ka ŋikorwa ŋatomoniarei, ŋamesekin ŋamiae ŋaarei ka ŋimeesekin ŋatomoniarei,

Akisy. 34:23

Nyepedorete mono ŋaatuk kec ka ŋiboro kec ta ŋibaren kec ŋuluce daadaŋ aruwor ŋulu yok a? Ocamunos iwon ka ikes, ecamunete ikes akiboi kaapei ka iwon.”

2 Sam. 12:2

Alalak nooi ŋamesekin ka ŋaatuk a ekile a ŋolo abaran,

1 Ŋirw. 4:30

Eloit nooi aosou a Solomon ŋina a ŋikilyok a daadaŋ a ŋulu aya kide akwap ka ŋina a daadaŋ a ŋulu aya Ijipit.

2 Ŋirw. 15:20

Kipogoununu Menaem ŋisiliŋa ŋulu alalak aneni a Ŋisirael a ŋulu abarak, tolimok ŋinituŋanan alemun ŋicekelin ŋatomonikan ŋulu a esilipa, yarae neni ke erwosit ka Asiriya. Aŋun, abu erwosit ŋolo ka Asiriya toboŋo nakwap keŋ toesik akwap a Isirael.

2 Ŋirw. 3:4

Abarit Mesa erwosit a Moab ŋamesekin. Atacenene iŋes erwosit a Isirael ocur a ŋikaalei a ŋamesekin ŋulu arae ŋalipyo amiat ka ŋajul a ŋimesekin a ŋulu arae ŋalipyo amiat.

1 Ŋakiro a ŋirwa 27:30

Obil ŋolo arae Emeronosait iŋes apolokinit ŋisipanin a ŋikaala. Yedeia ŋolo arae Emeronosait iŋes apolokinit ŋisipanin a ŋisigirya.

2 Ŋakiro a ŋirwa 26:10

Abu iŋes toduk ŋaduketa ŋuna aoyak naloŋisat, tobokanak ŋakare ŋuna alalak ŋuna apolok nen, anerae ayakar iŋes ŋisipanin a ŋaatuk a ŋuna alalak, ayakasi ŋisipanin ŋul Sepela ka nadipoe a ŋikamukumukui, ayakar iŋes ŋiketak ka ŋikatubok ŋikito ke epiini, eboiyete ŋul alokamukumukui ka aneni eya ŋalup ŋuna ajokak aŋuna ka akitare, anerae amina Usia akitare nooi.

2 Ŋakiro a ŋirwa 32:29

Abu Esekia todukonok ŋitaunio keŋ ŋice ka abu toryamu ŋamesekin ka ŋaatuk ŋuna alalak nooi, anerae abu Akuj inak iŋes ebari ŋolo alalan nooi.

Yob 1:10

Iuryarit iyoŋ iŋes alowaetin a daadaŋ kaapei ke ekal keŋ ka ŋiboro daadaŋ ŋulu eyakar iŋes, iterereŋ ŋiticisyo keŋ, ido alalata ŋiboro ŋulu eyakar iŋes anakwap.

Yob 1:4

Etiyaeneneete ŋidwe a Yob ŋulusapa ŋasuban anakais kec, acunanarosi ikes kai a ipei eboonokin, ido anyaraeneneete ikes ŋakaitotoi kec ŋunauni akimuj ka akimat kaapei ka ikes.

Yob 21:28

Iŋitasi iyes ibasi, ‘Ai eyai akai a ekepukan? Ai eyai eema ŋolo iboiyo ituŋanan ŋini aronon?’

Yob 29:25

Abu ayoŋ oseu akiwuap ŋuna kec ka abu eboi aneni kec arae erwosit, abu eboi asibit erwosit aneni a ŋasigarya keŋ, abu eboi asibit ituŋanan ŋini isirworiunui ŋulu igworosi.

Yob 31:25

ani kalelyakinit ayoŋ aŋuna a ebari kaŋ a ŋolo alalan, kori aŋuna abunio oryamunia ebari ŋolo alalan,

Yob 31:37

keteyenik ayoŋ ŋini iirari ŋakiro kaŋ daadaŋ ŋuna ka akiyar kaŋ, kawo ayoŋ aloŋaren keŋ ikwa ekarikon.

Yob 42:10

Kedau Ekapolon akiirar akilip a Yob aŋuna a ŋikonei keŋ, abu kinyakak Yob ŋiboro ŋulu sek ayakar, kiyatak a ŋolo kimar etiyae ŋolo sek a ekiŋaren.

Yob 42:12

Abu nai Ekapolon kiterereŋ Yob alorwa keŋ a ŋulu esidyok akilo ŋulu a ekiŋaren; abu Yob toyakaunor ŋamesekin ŋalipyo ŋatomon ka ŋaomwon, ŋikaala ŋalipyo ŋakanikapei, ŋimoŋin ŋalipyo ŋaarei ka ŋisigirya aliput.

Ŋakit. 10:22

Erae akiterereŋiet ŋina ke Ekapolon itabari ituŋanan, emam akiyaloloŋ iatakini Ekapolon narereŋu ŋin.

Yer. 49:28

Erae nu ŋakiro ŋuna abu Ekapolon tolimu aŋuna a Kedar ka aŋuna a ŋapukasinei ka Asor a ŋuna abu erwosit Nebukadinesar ŋolo a Babilon kilou: Alimu Ekapolon ebe, “Tonyoutu, toremo Kedar, tomunyasi ŋituŋa ŋulu iboiyete anakwapin a ŋuna alo Kide.

Ekim. 23:7

Tosodi kirwor Balaam ŋakiro ŋuna kebu Akuj tolimok iŋes tema, “Akayau ayoŋ Balak alo Aram, akayau ayoŋ erwosit a Moab alomoru a ŋulu alo Kide ebala, ‘Bua, kicen ŋituŋa a Yakob aŋuna kaŋ, bua, kisitak Ŋisirael.’

Ŋikat. 6:3

Apaki daadaŋ ŋina eekiniata Ŋisirael ŋikinyom kec, aponeneete Ŋimidian, Ŋiamaleki ka ŋituŋa ŋulu eboiyete alo Kide akitijiore Ŋisirael.

Ŋikat. 6:5

anerae awotununeete ŋimoe a Ŋisirael ŋul ka ŋibaren kec ka iwokito ŋiemae kec, arimaete ikes esibito emaase, pa apedoryo akimarun ŋituŋa ka ŋikaala kec, apotu ikes kinyasut akwap a Ŋisirael.

Ŋikat. 7:12

Alalak nooi Ŋimidian, Ŋiamaleki ka ŋituŋa a ŋikabilae a ŋulu a lo Kide, apetakina akadipaalat daadaŋ esibit emaase, pa apedoryo akimarun ŋikaala kec, alalak nooi asibit asinyon alodiyete anam.

Ŋikat. 8:10

Apaki ŋin ayakasi Salimuna ka Seba kaapei ka ŋasigarya kec Karikor ka aapiyarit ekimar a ŋasigarya kec ŋalipyo ŋatomon ka ŋakan, arae ikes ŋipiya a ajore a ŋikabilae a ŋulu alo Kide, anerae aponi toarae ŋikajiok ŋalipyo amiat ka ŋatomoniarei.

1 Sam. 25:2

Ayai Maon ekile ece ŋolo ayakar ebari keŋ neni anyaritae Karimel. Abarit ekile ŋol nooi; ayakar iŋes ŋamee aliput ka ŋamesekin ŋalipyo ŋauni. Apaki ŋin, atubi iŋes ŋajul a ŋamesekin keŋ alo Karimel.

1 Sam. 27:9

Torem Daudi akwap ŋin neni aronon, nyimyek ekile, kori aberu eyari, tomyaa ŋamesekin, ŋaatuk, ŋisigirya, ŋikaala ka kiwok ŋilowi, toboŋorya neni ka Akis.