Yob 1:1 - Ebaibul

¹ Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 1:1 Iomraidhean Croise

Akisy. 10:23

Ŋidwe ka Aram ŋulusapa lu: Us, Ul, Geser ka Mas.

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 22:12

Tema emalaika, “Kimyek edya, nyitiya idiobore neni keŋ, anerae ayenu ayoŋ atemar ikerit iyoŋ ŋuna ka Akuj, ido nyimika iyoŋ Akuj lokoku kon ŋolodonupei.”

Akisy. 36:28

Ŋidwe a Disan ŋulusapa ikes lu: Us ka Aran.

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

1 Ŋakiro a ŋirwa 1:17

Ŋidwe a Sem ŋulusapa lu: Elam, Asur, Aripasad ka Lu ta Aram. Ŋidwe ka Aram ŋulusapa lu: Us, Ul ka Geser ta Mesek.

1 Ŋakiro a ŋirwa 1:42

Ŋidwe ke Eser ŋulusapa ikes lu: Bilan ka Saapan ta Akan. Arae ŋidwe a Disan ŋulusapa ikes lu: Us ka Aran.

Yob 1:8

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ŋini ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok.”

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Yob 4:6

Meere mono akitopoloorit Akuj iŋes ikinyomit iyoŋ ka meere mono akiyookino aloticisyo kon igeno iyoŋ a?

Yob 9:21

Mam ŋakiro ŋuna eketoroniyaritere ayoŋ; nyayeni ayoŋ ŋuna eya nakuwan kaŋ; aluŋ ayoŋ akiyar kaŋ.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Ŋakit. 14:16

Erae ŋikaosok ŋulu ecoito akitiya aronis ŋapakio daadaŋ, nai nyecoito ŋibaŋaanotin akitiya aronis, ionyanakinete atipei akitiya aronis.

Ŋakit. 14:2

Ituŋanan ŋini elosi erae ŋini iyookino, itopoloorit Ekapolon, nai ituŋanan ŋini nyitiyae ŋuna a kire, ejamuwarit Ekapolon.

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 20:7

Iboi ituŋanan ŋini iyookino anakiyar a ŋina emam ŋuna itoroniyaritere, ido eryamunete ŋidwe a ituŋanan a ŋin ŋarereŋisyo ekaku a ikauruunan kec.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Ŋakit. 8:13

Erae akitopoloor Ekapolon aremokin ŋuna aronok, aremokino ayoŋ akitopolooro bon ka akituro, aremokino ayoŋ akiwuapit ŋuna aronok ka akirworo alyokonu.

Yer. 25:20

ŋituŋa ŋulu inyalal daadaŋ, ŋirwosi daadaŋ ŋulu ka akwap a Us, ŋirwosi daadaŋ ŋulu ka akwap a Ŋipilistin, ikes Askelon, Gasa, Ekiron, ŋipiya ŋulu ka Acidod;

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Esek. 14:14

kerae toriŋa tari ŋikilyok lu ŋiuni Noa, Daniel ka Yob iboiyete anakwap a ŋin, keiuna ŋuluuni ŋul aŋuna ka akiyookino kec.

Esek. 14:20

alimu Ekapolon Akuj atemar ikwapei kire jik ayarya ayoŋ, kerae tari toriŋa Noa, Daniel ka Yob eyakasi nakwap ŋin, pa keiunito ŋidwe kec ŋulupesur, kori ŋulusapa. Keiun ŋuluuni ŋul aŋuna ka akiyookino kec.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Ŋikis. 18:13

Emaikina iyes torubakis iwuapito ŋuna a Ekapolon Akuj kus.

Yak. 5:11

Topupokisi! Ikibala iwon erereŋ ŋulu apotu totitinyikis. Iirasi iyes atitinyikinit ŋina a Yob ka iyenete iyes epite ŋolo abunio Akuj kiterereŋio iŋes ekaku, anerae isyoniono ka etimoono Ekapolon.

1 Pet. 3:11

Itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.