Yoa. 9:39 - Ebaibul

³⁹ Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Yoa. 9:39 Iomraidhean Croise

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 44:18

Ŋituŋa ŋulu itiyaete ŋun, emam ŋakiro eyenete, nyeyenete tari ŋakiro ŋuna kitiyaete ikes, anerae egolitoe ŋakoŋen kec, ikotere ikes nyepedosi akiŋolikin, ŋatameta kec daŋ, egolitoe, ikotere ikes nyepedosi ayenun.

Isa. 6:9

Okolimok nai Ekapolon ayoŋ tema, “Ape tolimok ŋituŋa ŋul atemar, ‘Iirarete ŋina erae akiirar, nai nyiyenunete; iŋolikinete ŋina erae akiŋolikin, nai nyianyunete.’

Esek. 12:2

“Lokoku a ituŋanan, iboiyete iyoŋ ka ŋituŋa ŋulu akaŋerito ayoŋ. Eyakatar ikes ŋakonyen akiŋolikinia, nai nyiteete, eyakatar ikes ŋaki akiirarya, nai nyepupete, anerae erae ikes ŋituŋa ŋulu nyiwuapio ŋuna abala ayoŋ.

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”

Mat. 6:23

nai ani kerono akoŋu kon, eyai akuwan kon daadaŋ nakiryonut. Ani nai kerae akica alotooma kon akiryonut, okoe etya akiryonut ŋin ai!

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 13:30

A nen ŋice ŋulu isidiyete tokona, iŋarenete; ŋice ŋulu iŋarenete tokona, eruworosi ŋulu isidiyete.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Luk. 7:21

Apaki ŋinapei ŋin, abu Yesu kitaŋaleu ŋituŋa ŋulu alalak ŋulu agelegelya ŋidekesyo, ŋulu aŋwalak ka ŋulu ekamunito ŋipyan; toŋaa daŋ ŋakonyen a ŋimudukanotin a ŋulu alalak.

Yoa. 12:31

Adol tokona apaki ŋina etubere ŋakiro ŋuna ka akwap a na; imasaryo tokona ekepukan ŋolo ka akwap a na.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Yoa. 3:19

Atubokino iŋes na ebe: abu akica bu nakwap, nai aminasi ŋituŋa akiryonut akilo akica, anerae aroko ŋuna etiyaete ikes.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Yoa. 8:15

Itubonokinete iyes alopite a ŋituŋa, emam ituŋanan ŋini atubok ayoŋ.

Yoa. 9:25

Toboŋok iŋes tema, “Ani kerae iŋes ekasecan, nyayeni ayoŋ ŋun, nai ayeni apeikirot: amudukana sek ayoŋ, nai tokona akienyi!”

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

2 Ŋikor. 2:16

Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

2 Ŋites. 2:10

ka isitiyae amodiyo daadaŋ ŋina ka aronis keŋ alotuŋa a ŋulu ebukoro. Ebukorosi ikes, anerae apotu ikes nyijaut ka nyeminakis ŋakiro ŋuna a kire, ikotere toiunos.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Yoa. 2:11

Nai ŋini eremokino lokaato keŋ, eyai iŋes nakiryonut ka elosi anakiryonut, nyeyeni neni elosi; anerae etumudukan akiryonut iŋes.