Yoa. 9:24 - Ebaibul

²⁴ Tonyarata ikes nabo ŋolo sek amudukana, tolimokis iŋes temasi, “Kikoŋ alokiŋaren Akuj atemar ilimuni iyoŋ ŋuna a kire; ikiyeni isua atemar ekasecan ekile ŋolo kikitekienyuni iyoŋ.”

Yoa. 9:24 Iomraidhean Croise

Esir 10:11

Tolimosi tokona asecit kus neni ke Ekapolon Akuj atapapaa kus, ido kitiyata ŋuna ecamit iŋes; totyakaros alotuŋa a ŋulu ka akwap a na ka anaberu a ŋunagelae.”

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Mar. 15:27

Kibubukis ikes ŋikademanarak ŋiarei kaapei ka iŋes, epei teten ka ŋoloce kedyany keŋ. [

Luk. 15:2

Tolomakis Ŋiparisayon ka ŋiketatamak a Ŋikisila akiŋuruŋura ebasi, “Okoe! Abe erukito bo ituŋanan en ka ŋikasecak, nabo imujete ka ikes!”

Luk. 19:7

Togeut ŋituŋa daadaŋ ŋulu eteete iŋes akiŋuruŋura ebasi, “Alot ituŋanan en aruwor epeyonon ŋolo ke ekasecan!”

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Yoa. 14:30

Nyikirworo ayoŋ ka iyes ekaoyan, anerae ebunit ekepukan ŋolo ka akwap a na. Nyeyakar iŋes apedor ŋina ekepukaa ayoŋ,

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Yoa. 18:30

Toboŋokis ikes temasi, “Kerae nyitiyat ekile lo ŋuna aronok, pa kikipotokinit isua iŋes neni kon.”

Yoa. 19:6

Ani iŋolikinete ŋisacaradotin ŋulu apolok ka ŋiketeok ŋulu a Ŋiyudayan iŋes, tocelut temasi, “Kibubuk! Kibubuk iŋes lomusalaba!” Tolimok Pilato ikes tema, “Yaasi iyes ŋilopeyek iŋes kibubukis, anerae nyeryamuna ayoŋ adiosecit ŋina tubokinet iŋes.”

Yoa. 5:23

ikotere ŋituŋa daadaŋ tokerito Lokoku ikwa ekeritotor Papa. Iŋes ŋini nyekerit Lokoku, nyekerit tari Papa ŋolo abu kiyaku iŋes.

Yoa. 8:46

Ŋae alokidiŋ kus epedori akitoodiun atemar asecit ayoŋ? Ani kerworo ayoŋ ŋakiro ŋuna a kire, nyo bo nai nyikinupitotor iyes ayoŋ?

Yoa. 8:49

Toboŋok Yesu ikes tema, “Emam ekipye aneni kaŋ; akerit ayoŋ Papa kaŋ, nai nyikikerito iyes ayoŋ.

Yoa. 9:16

Temasi Ŋiparisayon ŋice, “Nyebunit ekile ŋol aneni ka Akuj, anerae nyiricakinit iŋes ekisil ŋolo ka akoloŋit a ŋina a Sabato.” Nai temasi ŋice, “Okoe, ikokini mono ekile ŋolo erae ekasecan itiyae ŋakujuwuanisya ŋun ai?” Tosodi totyakatyakas ikes.

Yoa. 9:25

Toboŋok iŋes tema, “Ani kerae iŋes ekasecan, nyayeni ayoŋ ŋun, nai ayeni apeikirot: amudukana sek ayoŋ, nai tokona akienyi!”

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

Akis. 11:13

Anapaki a ŋinapei a ŋin, toyakaun amaran ŋina ka akwap ŋina aronon; abu atutubet apei alotooma ŋunatomon ŋuna ke etaun a ŋolo apolon toritakin, totwaka ŋituŋa ŋalipyo ŋakanikaarei. Tobul ŋituŋa ŋuluce, kipuro apedor ŋina ka Akuj a ŋina anakuj.