Yoa. 8:59 - Ebaibul

⁵⁹ Kideput Ŋiyudayan ŋamoru ecamito acakya iŋes, nai abu Yesu toŋop, tosi alo Kai ka Akuj.

Yoa. 8:59 Iomraidhean Croise

Akisy. 19:11

Apotu ikes kitumudukana ŋikilyok ŋulu ayakasi kiŋa epuke; toŋopik ikes epuke. Apotu ŋun kitiyakin neni a ŋisorok ka neni a ŋikasikou.

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Mat. 12:14

Nai apotu Ŋiparisayon tolomasi kiŋa, totukut epite ŋoloaret Yesu.

Luk. 24:31

Toŋaar ŋatameta kec, toyena iŋes, nai topuripuryaar iŋes anakonyen kec.

Yoa. 11:54

Aŋun, nyitor nabo Yesu nakwap a Ŋiyudayan ileere, nai tolot nakwap ŋina aapi analoŋisat, lotaun ŋolo anyaritae Epuraim, kiboiyoto ka ŋikeekasyomak aina.

Yoa. 11:8

Toboŋokis ŋikasyomak temasi, “Eketataman, ŋirwa ŋulupei ŋoon lu, acamito Ŋiyudayan akimas iyoŋ a ŋamoru, icamit nabo iyoŋ aboŋor inaa a?”

Yoa. 12:36

Ani eriŋa iyakatar akica, tonupa akica, ikotere toruworos iyes ŋituŋa ŋulu ka akica.” Kedau Yesu erwor ŋun, toesik ikes, toŋop aneni kec.

Yoa. 18:31

Tolimok Pilato ikes tema, “Yaasi iyes ŋilopeyek iŋes, totubokis a Lokisila kus.” Toboŋokis Ŋiyudayan iŋes temasi, “Nyikicamakinit apukan a Ŋiromanin isua akiar ituŋanan.”

Yoa. 5:13

Nai pa ayeni ŋolo etaŋaleunio atemar kerae ŋae, anerae aberakin Yesu aŋopikin nasepic ŋina ayai inaa.

Yoa. 9:1

Ani eriŋa Yesu elosi alorot, kiŋolik iŋes ekile ŋolo edounitoe emudukana.

Ŋitic. 7:57

Nai tocelut ikes nooi, togolo ŋaki a ŋakan kec, kipumakinos daadaŋ iŋes.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.