Yoa. 8:47 - Ebaibul

⁴⁷ Ŋini ebunit aneni ka Akuj epupi ŋakiro ŋuna ka Akuj; nai nyiponito iyes aneni ka Akuj, iŋes nyipupyoto ŋakiro ŋun.”

Yoa. 8:47 Iomraidhean Croise

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Yoa. 12:48

Ŋinituŋanan akaŋeri ayoŋ, nyecamu ŋakiro kaŋ, eyakar iŋes ekatubon. Ŋakiro ŋuna erworo ayoŋ, ikes eruworosi ekatubon keŋ Akoloŋit ŋina esidyon.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 5:25

Akalimokini ayoŋ iyes kire atemar, ebunit apaki ka iŋes napei na, ŋina eponiata ŋikatwak akiirar etoil ŋolo a Lokoku ka Akuj; ikes ŋulu iirarete, eyarete.

Yoa. 6:65

Tolimu nabo Yesu tema, “Ikes ŋakiro ŋuna abunio ayoŋ okolimok iyes atemar, emam ŋini ebuni neni kaŋ, mati kecamaki Papa iŋes.”

Yoa. 8:37

Ayeni ayoŋ atemar irae iyes ŋiletok ka Aburaam; nai iwarito bo iyes akiar ayoŋ, anerae nyelomarito ŋakiro kaŋ tooma kus.

Yoa. 8:43

Kaanukiro ikipiyoritor iyes akiirar ŋuna erworo ayoŋ? Anerae iwounito iyes apupokin ŋakiro kaŋ.

Yoa. 8:45

Nai erworo ayoŋ ŋuna a kire; ŋakiro ŋun, ikes iwounitotor iyes akinup ayoŋ.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 5:1

Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

2 Yoa. 1:9

Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

3 Yoa. 1:11

Ekaakone ŋolo minat, nyiroku ŋuna aronok, nai toroku ŋuna ajokak. Ituŋanan ŋini itiyae ŋuna ajokak, erae ŋini ka Akuj, ituŋanan ŋini itiyae ŋuna aronok, nyeanyuna iŋes Akuj.