Yoa. 8:31 - Ebaibul

³¹ Tolimok Yesu Ŋiyudayan ŋulu anupito iŋes tema, “Ani kiricakis iyes ŋakiro kaŋ, iraakasi kire iyes ŋikasyomak kaŋ.

Yoa. 8:31 Iomraidhean Croise

Mat. 24:13

Nai ŋini etitinyikini tari nasalunet, eiunio.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Yoa. 2:2

Anyaritae Yesu daŋ ka ŋikeekasyomak lokiitanu ŋol.

Yoa. 6:55

Anerae erae akaakuwan akimuj kire ka ŋaokot kaŋ ŋamatan kire.

Yoa. 8:36

Ani kikilacak iyes Lokoku ka Akuj, ikilacakin iyes kire.

Ŋitic. 13:43

Ani kielarosi ŋituŋa alosinagoga, totupakis Ŋiyudayan ŋulu alalak kaapei ka ŋulu acamunito anupit ŋina a Ŋiyudayan, Paulo ka Baranaba. Apotu lu kisirworo ikes ka kitogogoŋo ikes arubakin anajokis a ŋina ka Akuj.

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 26:22

Akitodol nakoloŋit na, ekeŋarakinit Akuj ayoŋ a ŋun, awoi ayoŋ a ne akiteyenun nu neni a daadaŋ, neni a ŋulu caryo kaapei ka ŋulu arwok. Nyerworo ayoŋ ŋace, nai ŋuna abasi ŋikadwarak ka Moses etakanunete.

Ŋirom. 11:22

Anakiro a ŋun ikiyenuni epite ŋolo erimaania Akuj ka epite ŋolo ededeŋia. Ededeŋ iŋes aneni a ŋulu adaut atwakiar, nai erimaana aneni kus--erae kirubakis iyes iyakasi narimaanut keŋ. Nai ani pa kirubakis, ikibilaryo iyes daŋ.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

1 Tim. 2:15

Nai eiun aberu aŋuna ka akidore, erae kerubaki iŋes ananupit, anamina, alopite a ŋolo itoodiunit atemar ekerit iŋes Akuj ka ŋolo ka akiyapara.

1 Tim. 4:16

Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.

2 Tim. 3:14

Nai ani eruwor iyoŋ, torubak anakiro a ŋuna a kire a ŋuna aponi ikitatami iyoŋ ka tonup ka agogoŋu. Iyeni iyoŋ ŋulu arae ŋiketatamak kon.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 8:9

Nyikokini Acamunet ŋin ŋina ikicamunor ayoŋ ka atapapaa kec akoloŋit ŋina arikitor ayoŋ ikes a ŋakan, oyau alo Ijipit. Pa apotu ikes torubakis iwuapito ŋakiro ŋuna ka Acamunet a ŋina abu ayoŋ ocamunotor ka ikes; aŋun, abu ayoŋ nyamitak ikes.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

1 Yoa. 2:24

Kimyekisi ŋakiro ŋuna ipotu iyes kiirasi anakisyakinet kiboiyoto alotooma kus. Ani kiboiyoto alotooma kus ŋakiro ŋuna ipotu iyes kiirasi anakisyakinet, iboiyete nai iyes alotooma Lokoku ka alotooma Papa.

2 Yoa. 1:9

Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

1 Sam. 12:14

Ani kitopoloosi iyes Ekapolon, kitiyanakis iŋes, topupo ŋuna ebala iŋes, ido nyiŋero ŋakiciketa keŋ ka ani kiwuapa iyes ke erwosit ŋolo ikipukat iyes Ekapolon Akuj kus, ejokyata ŋakiro aneni kus.