Yoa. 8:12 - Ebaibul

¹² Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Yoa. 8:12 Iomraidhean Croise

Yob 33:28

Alaku iŋes akiyar kaŋ anakibois a ŋikatwak, ido eŋolikini ayoŋ anakiyar kaŋ akica.’

Ŋikiru. 18:28

Okoe Ekapolon, iyoŋ ikiinakinit ayoŋ akiyar; iyoŋ Ekapolon Akuj ilemari aronis aneni kaŋ ikiinak ayoŋ akiyar.

Ŋikiru. 49:19

elosete ikes akimorikin ka atapapaa kec, ŋulu emam nabo jik nyiŋolikinete akica.

Ŋikiru. 97:11

ebuneeneajokis neni a ŋulu iyookino, ebuneenealelyanu neni a ŋulu iyookino alotai.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 5:14

“Iraakasi iyes akica ŋina ka akwap. Nyepedori etaun ŋolo edukitoe kidiama emukura akiŋop.

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 12:36

Ani eriŋa iyakatar akica, tonupa akica, ikotere toruworos iyes ŋituŋa ŋulu ka akica.” Kedau Yesu erwor ŋun, toesik ikes, toŋop aneni kec.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 3:19

Atubokino iŋes na ebe: abu akica bu nakwap, nai aminasi ŋituŋa akiryonut akilo akica, anerae aroko ŋuna etiyaete ikes.

Yoa. 7:17

Ani keseu idiotuŋanan ŋuna ecamit Akuj, eyenuni iŋes erae kebunit akitatam na aneni ka Akuj, kori erae kerworo ayoŋ aŋuna ka apedor kaŋ bon.

Yoa. 9:5

Ani ca eriŋa ayoŋ ayai nakwap, Arae Ayoŋ akica ŋina ka akwap.”

Ŋitic. 13:47

Anerae ŋuna ikilimok Ekapolon isua akitiya ikes nu: ‘Eketuruwo ayoŋ iyes akica ŋina a ŋulu nyerae Ŋiyudayan, ikotere iyaunete iyes aiuno nakisaleta ŋuna ka akwap.’ ”

Ŋitic. 26:23

Abasi ikes ebe itemokino Kristo kisicanae ka toruwor ŋolo ke ekiŋaren ayarun alokatwak, kiserau nai akica ŋina ka aiuno neni a Ŋiyudayan ka ŋulu nyerae Ŋiyudayan daŋ.”

2 Pet. 2:17

Ikwaan ŋikilyok ŋul ka ŋilelyan ŋulu ejuwasi, ikwaan ka ŋidouwon ŋulu ekutanari ekuwuam. Adau Akuj akitemokin akibois kec tooma nenikiryonon cuc.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

1 Yoa. 1:6

Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

Yud. 1:13

Ikote ikes ŋakipi ŋuna ka anam imorokokoete, kilepunito ekurudo ŋolo a ŋileec kec; ikote ikes ŋikacer ŋulu imasanar ŋulu adau Akuj akitemokin aŋuna kec akiryonut ŋina iryono cuc, ŋina ruba.

Yud. 1:6

Ŋimalaikan daŋ ŋulu apotu toŋero apolou kec, apotu toesikis neni eboiyoto ikes, ido eenit Akuj ikes a ŋiriko a ŋulu ruba, anakiryonut a ŋina iryono cuc, akitodol Akoloŋit ŋina apolon ŋina ka atubokino.

Akis. 21:24

Elosete ŋituŋa a ŋakwapin a daadaŋ anakica keŋ ka eyaunete ŋirwosi ŋulu ka akwap ebari kec tooma keŋ.