Yoa. 7:4 - Ebaibul

⁴ Anerae emam ituŋanan ŋini iwuai ŋuna itiyae iŋes, erae kecamit aruun alotuŋa. Ani kitiyae iyoŋ ŋakiro ŋuna ikote ŋun, kitoodikin iyoŋ neni ka akwap!”

Yoa. 7:4 Iomraidhean Croise

1 Ŋirw. 22:13

Tema ekiyakia ŋolo eyakitae anyarare Mikaia neni a Mikaia ebe, “Kiira nu, ikwaan ŋakiro ŋuna erwor ŋikadwarak ŋuluce, erae ŋuna italakarito erwosit, kirwor iyoŋ daŋ ŋakiro ŋuna ikwaan ka ŋuna kec, ŋuna italakarito erwosit.”

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Mat. 4:6

tolimok iŋes tema, “Ani kirae iyoŋ Lokoku ka Akuj, kimasar kwap, anerae igiritae Nakigireta ebe, ‘Icikakini Akuj ŋimalaikan keŋ akiyok iyoŋ; igiritae nabo daŋ atemar, ikigagaunete iyoŋ a ŋakan kec, ikotere nyewan amoru tari ŋakejen kon.’ ”

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 6:5

“Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Luk. 6:45

Ituŋanan ŋini ajokan alotau keŋ, itiyae ŋakiro ŋuna ajokak. Ituŋanan ŋini aronon alotau keŋ, itiyae ŋakiro ŋuna aronok. Anerae irworo akituk ŋuna ilapun alotau.

Yoa. 18:20

Toboŋok Yesu iŋes tema, “Erwor ayoŋ lotuŋa daadaŋ, emam ŋakiro ŋuna abu ewua; abu ayoŋ jwi jwi etatam alosinagogae ka alo Kai ka Akuj, aneni ecunanakin Ŋiyudayan daadaŋ. Emam akirot alimu ayoŋ ewuait.

Yoa. 7:3

Tolimokis ŋikaitotoi keŋ iŋes temasi, “Torotok a ne, tolot Yudeya, ikotere ŋikewuapak kon eanyunete ŋuna itiyae iyoŋ.

Yoa. 7:5

(Anerae pa anupito tari ŋikaitotoi keŋ ŋakiro keŋ.)