Yoa. 7:31 - Ebaibul

³¹ Nai tonupa ŋulu alalak anatukot iŋes temasi, “Ŋina moi ebunio Kristo, kire ebuni iŋes akitiya ŋakujuwuanisya ŋuna alalak akilo ekile lo a?”

Yoa. 7:31 Iomraidhean Croise

Mat. 12:23

Toumokis ŋituŋa daadaŋ temasi, “Erae mono kona lo lokoku a Daudi a?”

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Yoa. 11:45

Aŋun, apotu Ŋiyudayan ŋulu alalak ŋulu arukunete ka Maria, ido kiŋolikis ŋuna etiyae Yesu, tonupa iŋes.

Yoa. 12:11

anerae ŋakiro ŋuna ka ayarun a Lasaro ikes aŋeritotor Ŋiyudayan ŋulu alalak ŋisacaradotin, ido apotu tonupa neni a Yesu.

Yoa. 12:42

Tari kikote neni, apotu tari ŋikapolok ŋulu a Ŋiyudayan ŋulu alalak tonupa Yesu. Nai aŋuna akeritotor ikes Ŋiparisayon, nyelimut ikes ŋakiro ŋun epupete ŋituŋa, ikotere nyiritar ikes alosinagoga.

Yoa. 2:11

Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 4:29

“Potu kiŋolikisi ekile ŋolo abu okolimok ayoŋ daadaŋ ŋuna adau ayoŋ akitiya. Meere ba ca iŋes Kristo?”

Yoa. 4:39

Apotu Ŋisamaritayon ŋulu alalak ŋulu alotaun a ŋol, tonupa Yesu aŋuna a ŋakiro a ŋuna abu aberu ŋin kiteyenik ikes tema, “Abu iŋes okolimok ayoŋ daadaŋ ŋuna adau ayoŋ akitiya.”

Yoa. 6:2

Totupakis ŋituŋa ŋulu alalak Yesu, anerae keris ikes kiŋolikis ŋakujuwuanisya ŋuna etaŋaleunio Yesu ŋituŋa ŋulu adyakasi.

Yoa. 7:26

Kiŋolikisi epite ŋolo irworor iŋes alotuŋa, emam ituŋanan ŋini elimokini iŋes adiokirot. Kori ca eyenete ikes atemar erae iŋes Kristo?

Yoa. 9:16

Temasi Ŋiparisayon ŋice, “Nyebunit ekile ŋol aneni ka Akuj, anerae nyiricakinit iŋes ekisil ŋolo ka akoloŋit a ŋina a Sabato.” Nai temasi ŋice, “Okoe, ikokini mono ekile ŋolo erae ekasecan itiyae ŋakujuwuanisya ŋun ai?” Tosodi totyakatyakas ikes.

Ŋitic. 8:13

Abu Simoni daŋ elope tonup, kibatisae. Abu iŋes torubak erukito ka Pilipo; etuumokinito iŋes ŋaumonokineta ka ŋakujuwuanisya ŋuna apolok ŋuna etiyasi.

Yak. 2:26

Ikwaŋinapei etwanitor akuwan emam etau, anupit daŋ etwanit emam ŋiticisyo.