Yoa. 7:30 - Ebaibul

³⁰ Kikatakis nai ikes akikamun iŋes, nai emam ŋini abu totap iŋes, anerae ariŋa apaki keŋ nyedoluno.

Yoa. 7:30 Iomraidhean Croise

Ŋikiru. 76:10

Iinanakini iyoŋ tari ŋiryenyaanotin ikipuro iyoŋ, ido epote ŋipiya ŋulu ka aŋoit kon, akilip neni kon anapakio a ŋuna a ŋasuban.

Isa. 46:10

Abu ayoŋ olimu ŋakiro ŋuna esidyok anakisyakinet ka abu ayoŋ alimu anapakio a ŋuna akoloŋ ŋakiro ŋuna ariŋa nyitiyakina otema, ‘Iyookin ŋakiro ŋuna ayeunit ayoŋ ka erikakini akitiya ŋuna acamit kitiyakin.’

Mat. 12:14

Nai apotu Ŋiparisayon tolomasi kiŋa, totukut epite ŋoloaret Yesu.

Mat. 21:46

Nai ani ikatakinete ikes akikamun Yesu, tokuryaketa aŋuna a ŋasepico a ŋituŋa a ŋuna atamete atemar erae Yesu ekadwaran.

Mar. 11:18

Ani iirarete ŋisacaradotin ŋulu apolok ka ŋiketatamak a Ŋikisila ŋakiro ŋun, totamatamata epite ŋoloaret iŋes. Nai akerito ikes Yesu, anerae aumokinit asepic daadaŋ aŋuna ka akitatam keŋ.

Luk. 20:19

Acamito ŋiketatamak a Ŋikisila ka ŋisacaradotin ŋulu apolok akikamun Yesu apaki ŋin, anerae ayenete atemar arae ikes alimunitor Yesu akitadapet ŋin. Nai tokera akikamun iŋes aŋuna a ŋituŋa.

Luk. 22:53

Ikirukit iyes ka ayoŋ ŋirwa daadaŋ alo Kai ka Akuj, ipotu iyes nyikikamut ayoŋ. Nai tokona erae esaa lo ŋolo kus, ŋolo ka apedor a ŋina ka akiryonut.”

Yoa. 10:31

Kideput nabo Ŋiyudayan ŋamoru akimasya Yesu.

Yoa. 10:39

Kikatakis nabo ikes akikamun iŋes, nai abu tobucar aneni kec.

Yoa. 11:57

Aris nai ŋisacaradotin ŋulu apolok ka Ŋiparisayon kicika ŋituŋa atemar, ani ŋini eyeni neni eyai Yesu, itemokino kitaanyu ikes, ikotere kikamunae iŋes.

Yoa. 7:19

Meere Moses ikiinit iyes Ŋikisila a? Nai emam alokidiŋ kus ipei daŋ ŋini iricit Ŋikisila ŋul. Kaanukiro iwaritotor iyes akiar ayoŋ?”

Yoa. 7:32

Kiirasi Ŋiparisayon ŋituŋa iŋaiŋaatar Yesu, kiyakiyasi nai ikes ka ŋisacaradotin ŋulu apolok ŋiketeok Akai ka Akuj akikamun iŋes.

Yoa. 7:6

Tolimok Yesu ikes tema, “Eriŋa apaki kaŋ nyedoluno, nai apaki kus, eyai ne jwi jwi.

Yoa. 7:8

Apesi toloto nasuban, nai nyalosi ayoŋ, anerae eriŋa apaki kaŋ.”

Yoa. 8:20

Kirwor Yesu ŋakiro ŋun daadaŋ apaki ŋina etatamya alo Kai ka Akuj, anagule a ŋina ewuakinitae ŋasadukui ŋuna a ŋisiliŋa. Emam ituŋanan abu kikamu iŋes, anerae ariŋa nyedoluno apaki keŋ.

Yoa. 8:37

Ayeni ayoŋ atemar irae iyes ŋiletok ka Aburaam; nai iwarito bo iyes akiar ayoŋ, anerae nyelomarito ŋakiro kaŋ tooma kus.

Yoa. 8:59

Kideput Ŋiyudayan ŋamoru ecamito acakya iŋes, nai abu Yesu toŋop, tosi alo Kai ka Akuj.

Yoa. 9:4

Itemokino iwon etiyata ŋiticisyo ŋulu a ŋolo ekeyakuunit ayoŋ eriŋa erae apaaran; ebunit akiryonut ŋina ka akuwar, ŋina nyepedorya idiotuŋanan akitiya.