Yoa. 7:19 - Ebaibul

¹⁹ Meere Moses ikiinit iyes Ŋikisila a? Nai emam alokidiŋ kus ipei daŋ ŋini iricit Ŋikisila ŋul. Kaanukiro iwaritotor iyes akiar ayoŋ?”

Yoa. 7:19 Iomraidhean Croise

Mat. 12:14

Nai apotu Ŋiparisayon tolomasi kiŋa, totukut epite ŋoloaret Yesu.

Mat. 21:38

Nai ani iŋolikinete ŋiketeok emanikor lokoku ke elope emanikor, kirworiut make temasi, ‘Lokoku keŋ ŋol. Potu oara iŋes eruma iwon emanikor ŋolo ke epiini!’

Mar. 11:18

Ani iirarete ŋisacaradotin ŋulu apolok ka ŋiketatamak a Ŋikisila ŋakiro ŋun, totamatamata epite ŋoloaret iŋes. Nai akerito ikes Yesu, anerae aumokinit asepic daadaŋ aŋuna ka akitatam keŋ.

Mar. 3:4

Kiŋit ŋituŋa tema, “Nyo ecamakinitae kitiyae akoloŋit ŋina a Sabato, ŋuna ajokak kori ŋuna aronok, akiteyar kori akiar?” Kililiŋa ikes cek.

Mar. 3:6

Tolomasi Ŋiparisayon kiŋa, totukut kaapei ka ŋituŋa ŋulu ka atukot a ŋina ke Erode epite ŋoloaret Yesu.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 10:39

Kikatakis nabo ikes akikamun iŋes, nai abu tobucar aneni kec.

Yoa. 11:53

Ameun akoloŋit ŋin, totukut ikes epite ŋoloaret Yesu.

Yoa. 5:16

Apotu ŋikarikok kitidiŋa Yesu, anerae abu kitiya ŋun akoloŋit ŋina a Sabato.

Yoa. 5:18

Ani iirarete ŋikarikok ŋakiro ŋun, toŋoa tocamito tari akiar Yesu; meere aŋuna abunio iŋes tobilia ekisil ŋolo a Sabato bon, nai daŋ aŋuna abaakar iŋes erae Akuj Papa keŋ--iŋes atemar iriyan ka iŋes.

Yoa. 5:45

Nyibasi robo kori ayoŋ ekesitakini iyes alokiŋaren a Papa kaŋ, nai Moses, ŋolo iwuakinito iyes akusikigeno neni keŋ, iŋes ebuni akisitakin iyes.

Yoa. 7:1

Kedaun ŋun, abu Yesu tolot nakwap ŋina a Galileya; pa acamit iŋes alosit Yudeya, anerae ewarito ŋikarikok a Ŋiyudayan akiar iŋes.

Yoa. 7:25

Temasi ŋituŋa ŋice ŋulu a Yerusalem ebe, “Meere ekile ŋolo iwarito ŋikarikok akiar lo a?

Ŋitic. 7:38

Arukito iŋes ka asepic ŋina a Ŋisirael, ŋina acunakina naloŋisat. Abu iŋes kirworo ka atapapaa yok ka emalaika daŋ ŋolo erworotor iŋes alomoru Sinai, aneni ejaunia iŋes Ŋakiciketa ŋuna eteyarak, ikikobak iwon.

Ŋigal. 3:19

Arae nai nyo etic a Ŋikisila? Aponi kiyatakinae Ŋikisila nakiikinet akitoodiunia ibore ŋini erae asecit ka etemokino kiboiyoto ikes akitodol abunore ŋina ke eletonit a ŋolo ka Aburaam a ŋolo aris Akuj kiik. Apotu ŋimalaikan kikobut Ŋikisila kwap, kisitorut neni a Moses, a ŋolo arae ekemorikinan Akuj ka ŋituŋa.

Ŋigal. 6:13

Nai tari ŋulu iwuapito ŋakiro ŋuna ka akileŋeryo, nyiwuapito ikes ŋilopeyek Ŋikisila; ecamito ikes atemar ikileŋeri iyes, ikotere ikes iturokinosi temasi ipotu iyes kiwuapa etal ŋolo ka akileŋeryo.

Ŋikis. 1:17

Nyemaikina iyes iriito ka ituŋanan ipei apaki ŋina itubioto iyes ŋakiro, totubo ŋakiro eriyan aŋuna a ŋulu itopolooritae ka ŋulucaryo, nyemaikina ituŋanan idio ikitukuryan iyes, anerae erae atubokinet ŋina ka Akuj. Ŋakiro ŋuna egogoŋ iyes akitub iyautu neni kaŋ, ido opupok ayoŋ.’

Ŋikis. 33:4

Abu Ekapolon ikiinak iwon ŋikisila, abu iŋes kituruwo ŋituŋa a Yakob ŋulu keŋ.