Yoa. 6:57 - Ebaibul

⁵⁷ Ikwaŋinapei ekeyakuunia ayoŋ Papa ŋolo eyari, nabo ayoŋ daŋ oyari aŋuna a Papa, ikwaŋinapei, ŋini ekemuji ayoŋ, eyari aŋuna kaŋ.

Yoa. 6:57 Iomraidhean Croise

Ŋikiru. 18:46

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ ŋina ka aiuno kaŋ.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Yoa. 14:19

Apaki adio cicinyekeŋolikinete nabo ayoŋ ŋituŋa ŋulu ka akwap a na, nai ikiŋolikinete iyes ayoŋ ka aŋuna ayarya ayoŋ, iyarete iyes daŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Yoa. 6:29

Toboŋok nai Yesu ikes tema, “Etic ŋolo ka Akuj iŋes lo: itemokino tonupa ŋolo iyakuunit iŋes.”

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

1 Ŋikor. 15:22

Anerae ikwaŋinapei etwakyata ŋituŋa daadaŋ anakimorikina kec ka Adam, iteyarunio daŋ anakimorikina kec ka Kristo.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

2 Ŋikor. 13:4

Tari kibubukinitoe iŋes lomusalaba anapalagu, eyari iŋes aŋuna ka apedor a ŋina ka Akuj. Ikipalag iwon daŋ anakimorikina ka Kristo; nai ani kikitiya isua alokidiŋ kus, ikimori apedor ŋina ka Akuj, anakiyar a ŋina a Kristo.

Ŋigal. 2:20

Aŋun nai, nyarubakinit ayoŋ arae ŋolo ayari, nai Kristo eyari alotooma kaŋ. Akiyar kaŋ ŋina anakwap a na, ayari ananupit Lokoku ka Akuj, ŋolo abu okominak ayoŋ ka tojal akiyar keŋ aŋuna kaŋ.

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

1 Yoa. 4:9

Epite lo iŋes abunio Akuj ikisileerekinio iwon amina keŋ: Abu kiyaku Lokoku keŋ ŋolo donupei nakwap, ikotere iwon ikiyari aŋuna keŋ.