Yoa. 6:32 - Ebaibul

³² Tolimok Yesu ikes tema, “Akalimokini ayoŋ iyes kire atemar, pa arae Moses ikiini iyes akimuj ŋina anakuj, nai Papa kaŋ ikiinakini iyes akimuj ŋina a kire ŋina anakuj.

Yoa. 6:32 Iomraidhean Croise

Ŋikiru. 78:23

Kikote neni daŋ, abu Akuj kisirwor kidiama, toŋaa ŋipukei ŋulu alokidiama,

Awos. 16:4

Tema nai Ekapolon neni a Moses, “Etodoiuni tokona ayoŋ akimuj anakuj aŋuna kus, emaikina ŋituŋa toloto a ŋinakoloŋit kiriraut akimuj ŋina itemokino akoloŋit ŋin. Alopite a ŋol, ekatakini ayoŋ ikes, kiwuapete ŋuna alimok ayoŋ ikes, kori mam.

Awos. 16:8

Tema daŋ Moses, “Iyenunete iyes atemar erae neni ke Ekapolon iŋuruŋurasi iyes. Iyenunete iyes ŋun apaki ŋina ikiinakinia iŋes iyes akiriŋ tonyama eboŋ ka ŋamugati tonyama taparacu, anerae eira iŋes akiŋuruŋura kus neni keŋ. Ata ŋae mono isua? Meere neni kosi iŋuruŋurasi iyes, nai erae neni ke Ekapolon.”

Yoa. 1:9

Akirot iŋes arae akica ŋina a kire, ŋina abuni nakwap acaikin ŋituŋa daadaŋ.

Yoa. 15:1

“Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Yoa. 6:31

Apotu koloŋ atapapaa kosi kimuja Manna analoŋisat ikwapei igiritere Nakigireta ebe, ‘Abu iŋes inak ikes akimuj ŋina anakuj kimuja.’ ”

Yoa. 6:33

Anerae akimuj ŋina ka Akuj iŋes ŋina ebunit anakuj ainakin akwap akiyar.”

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

Yoa. 6:41

Kisyakis Ŋiyudayan akiŋuruŋura aŋuna a Yesu, anerae abu iŋes tema, “Arae Ayoŋ akimuj ŋina abuni anakuj.”

Yoa. 6:50

Nai ŋini imuji akimuj ŋina ebunit anakuj, nyetwani.

Yoa. 6:55

Anerae erae akaakuwan akimuj kire ka ŋaokot kaŋ ŋamatan kire.

Yoa. 6:58

Erae ŋin akimuj ŋina ebunit anakuj; nyikoni iŋes akimuj ŋina apotu atapapaa kus kimuja, nai apotu totwaka ekaku. Kire, ŋini imuji akimuj ŋin, eyari jik.”

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.