Yoa. 6:27 - Ebaibul

²⁷ Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Yoa. 6:27 Iomraidhean Croise

Ŋikiru. 2:7

Abu erwosit tolimu atemar iserae iŋes ŋakiro ŋuna elimunit Ekapolon. Abu Ekapolon tema neni kaŋ, “Irae iyoŋ lokoku kaŋ. Adau ayoŋ aruwor papa kon nakoloŋit na.

Ŋikiru. 40:7

Abu nai ayoŋ otema, “Ayai ayoŋ ne; igiritae aŋuna kaŋ lokitaabo ŋolo a ŋikisila ebe.

Ŋakit. 9:5

“Potu kimuja akimuj kaŋ ka tomata epiini ŋolo adau ayoŋ akigur.

Ekal. 6:7

Itiyaete ŋituŋa etic daadaŋ aŋuna ka aryamunia ibore ŋinikimuja, nai nyedaun ekibure ŋolo ka akimuj.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Abak. 2:13

Etiyata ŋituŋa ŋulu ikamasi iyes etic ŋolo a ikoŋin, anerae ibore daadaŋ ŋini etiyata ikes, icunyaryo, Ekapolon ŋolo Etiron iŋes itiyae ŋun.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Mat. 6:19

“Nyituk aŋuna kus ebari nakwap na, neni epedorya esipiran ka eroiroi akinyasun ka neni epedoryata ŋikokolak akituwokin, tolemasi.

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Mar. 1:11

Ŋinapeipaki kirworik etoil anakuj ebala, “Irae iyoŋ Lokoku kaŋ ŋolo minat ŋolo alelyania ayoŋ.”

Mar. 9:7

Bu edou, torapuwa ikes aribo, kirworik etoil alodou ebala, “Erae lo Lokoku kaŋ ŋolo minat, topupo iŋes.”

Luk. 3:22

Bu Etau ŋolo Asegan ikoni akuri min kidiama keŋ, ido kirworik etoil anakuj tema, “Irae iyoŋ Lokoku kaŋ ŋolo minat ŋolo alelyania ayoŋ.”

Luk. 9:35

Kirworik etoil alodou tema, “Erae lo Lokoku kaŋ ŋoloseuna; topupo iŋes!”

Yoa. 10:28

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Yoa. 11:42

Ayeni ayoŋ atemar ikiiranari iyoŋ ayoŋ jwi jwi; nai alimunit ayoŋ ŋakiro nu, ikotere tonupyata ŋituŋa lu ŋulu ewuasi a nege daadaŋ atemar, iyoŋ kire ikiyakit ayoŋ.”

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Yoa. 3:15

ikotere ŋini enupi eryamuni akiyar ŋina nyedaun.

Yoa. 3:33

Ŋini acamu ŋakiro keŋ, iŋes iteyenunit atemar, erae Akuj ŋina a kire.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Yoa. 6:53

Aŋun, tolimok Yesu ikes tema, “Akalimokini ayoŋ iyes kire atemar, ani pa kimuja iyes akuwan a Lokoku a Ituŋanan ka tomata ŋaokot keŋ, nyiyakaunotor akiyar tooma kus.

Yoa. 6:54

Ŋini imuji akaakuwan, tomat ŋaokot kaŋ, eyakar iŋes akiyar ŋina nyedaun, abuni ayoŋ akiteyarun iŋes Akoloŋit ŋina esidyon.

Yoa. 6:58

Erae ŋin akimuj ŋina ebunit anakuj; nyikoni iŋes akimuj ŋina apotu atapapaa kus kimuja, nai apotu totwaka ekaku. Kire, ŋini imuji akimuj ŋin, eyari jik.”

Yoa. 6:62

Ani bo nai kiŋolikis iyes Lokoku a Ituŋanan edokari neni ebunitor iŋes?

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Yoa. 8:18

Eteyenuna ayoŋ bon, nabo Papa kaŋ ŋolo ekeyakuunit, iŋes eketeyenunit ayoŋ.”

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 2:22

Topupokisi ŋakiro nu, iyes ŋituŋa a Isirael! Arae Yesu ŋolo a Nasaret ituŋanan ŋini eyakuunit Akuj. Abu iŋes kiteyenik ŋakiro neni kus alotooma ŋakujuwuanisya ka ŋaumonokineta ta ŋakitoodikineta ŋuna abu Akuj kitiya alotooma keŋ. Iyenete iyes ŋilopeyek ŋun.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

1 Ŋikor. 6:13

Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan.

1 Ŋikor. 9:2

Tari pa keketeete ŋice ayoŋ atemar arae ekiyakia, kire icamunito iyes atemar arae ayoŋ. Aŋuna ka akiyar kus anakimorikina ke Ekapolon, iyes ŋilopeyek itoodiunito araakau kaŋ ekiyakia.

2 Ŋikor. 4:18

Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋikis. 30:13

Nyeyakasi tari lowae ye anam, ido itemasi iyes, ‘Ŋae elosi lowae ye anam aŋuna kosi ikiiun isua ŋakiciketa ŋun ikotere isua eirasi, ido ericakisi ikes?’

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋikol. 1:29

Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.

Ŋikol. 2:22

Erae ŋiboro ŋul daadaŋ ŋulu isitiyao todaunos; erae ikes ŋikisila ka ŋakitatameta ŋuna erae ituŋanan iwuakinit.

Ŋikol. 3:2

Totamunito ka kiitanito ŋuna eyakasi nakuj ama, meere ŋuna eyakasi kwap ne.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

Ŋibur. 12:16

Nyitemokino idio kus eruwor ŋini emalaana kori ŋini ejamuwarit Akuj, ikwa Esau ŋolo abu kisyeca anakimujet ka apei bon apolou ŋina araakar iŋes esapat ŋolo kiyae.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Yak. 1:11

Elomuni akoloŋ erirae nooi tonom ekitoe; tosodi aturot keŋ toraraun, ido toŋopia akibuses keŋ. Ikwaŋinapei, ekabaran daŋ eŋopiyari alotooma etic keŋ.

1 Pet. 1:24

Ikwapei igiritere Nakigireta atemar, “Ikote ŋituŋa daadaŋ ŋinya, ikoni akecekibuses daadaŋ ŋatur. Einiyarete ŋinya, ido toraraun ŋatur,

2 Pet. 1:17

Ayakae isua nen apaki ŋina ainakinia Akuj Papa iŋes apolou ka apedor, ŋina abunio etoil neni keŋ aneni ka Akuj anakica a ŋina ka apolou keŋ, ebala, “Erae lo Lokoku kaŋ ŋolo minat, ŋolo alelyania ayoŋ!”