Yoa. 6:19 - Ebaibul

¹⁹ Kedaut ŋikasyomak amiar ataker ŋakilomitae ŋuna aapiyarito ŋakan kori ŋakanikapei, apotu kiŋolikis Yesu elosi alokidiama nakipi, ebunit keapuu nataker, ido tobul ikes nooi.

Yoa. 6:19 Iomraidhean Croise

Yob 9:8

Akuj bon iŋes apetakini kidiama, Akuj bon iŋes itidipakini akimorokok a ŋakipi ananam.

Ŋikiru. 29:10

Ekapolon iŋes ipukat akalele; Ekapolon iŋes ipukat ikwapei Erwosit ŋikaru ka ŋikaru.

Ŋikiru. 93:4

Nai epol nooi ailiil a Ekapolon a ŋolo alokidiama nooi akilo tari ŋakalele, eiliili nooi Ekapolon akilo tari ŋikaguragurae a ŋakipi a ŋuna ka anam.

Esek. 27:26

Adaut ŋikametok kon ameun iyoŋ kidiŋ anam. Adau ekuwuam ŋolo ebunit alo Kide abilibilakin iyoŋ kidiŋ anam.

Yona 1:13

Nai kikatakis ŋikilyok ka agogoŋu amyar ameeli ka agogoŋu ecamito amyar lokipetot; nai nyepedosi, anerae arubakinito ŋakipi imorokokoete, nabo tokutunite ekuwuam alowae a ŋolo alosete ikes.

Luk. 24:13

Akoloŋit ŋinapei ŋin, alosete ŋikewuapak a Yesu ŋiarei lore ŋolo anyaritae Emmaus, neni arae ŋakilomitae ŋatomon ka apei alo Yerusalem.

Luk. 9:42

Ani eriŋa edya ebunit, toramak ekipye iŋes kwap kirakar. Kikilyak Yesu ekipye, kitaŋaleu edya, ido inak iŋes neni a papa keŋ.

Yoa. 11:18

Aapikina Betania ka Yerusalem, arae ŋakilomitae ŋauni,

Yoa. 14:18

“Nyakaesikini ayoŋ iyes make ikokiyanito, aboŋuni ayoŋ neni kus.

Yoa. 6:18

Tokut ekuwuam ŋoloti agogoŋon ananam, kilolik ŋakipi.

Yoa. 6:20

Nai tolimok Yesu ikes tema, “Nyikibul, erae ayoŋ.”

Akis. 14:20

Aponi tocuunae ŋaraito ŋun anacuet alokiŋa etaun ŋolo apolon, toleleut ŋaokot anacuet, toleleiyasi ŋakilomitae ŋamiae ŋauni ka arae acukul kec alokwap ŋamitae ŋaarei.

Akis. 21:16

Ariyan ŋarwatatain ŋunaomwon ŋuna ke etaun a daadaŋ. Kipim emalaika etaun ŋolo apolon ŋol a ebela a ŋolo kipimet, erae aoyau keŋ ŋakilomitae ŋalipyo ŋaarei ka ŋamiae ŋaomwon alowaetin ka kidiama ta kwap.