Yoa. 5:44 - Ebaibul

⁴⁴ Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Yoa. 5:44 Iomraidhean Croise

2 Ŋakiro a ŋirwa 6:8

Nai abu Ekapolon tema neni a papa kaŋ a Daudi, ‘Aŋuna eyakatar ŋakiro nu lotau kon, akiduk Akai aŋuna a ekiro kaŋ, ibu iyoŋ kitiya ejok anakiwuakinit ŋakiro ŋun lotau kon.

Yer. 13:23

Epedorete mono ŋituŋa ka Esiopia akilocokin eyakae a ŋawat kec a? kori epedori eris akilocokin ŋameriyek keŋ a? Iŋes atemar iyes daŋ ipedorete akilocokin ŋiticisyo kus ŋulu aronok toruworos ŋulu a jokak.

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Luk. 19:17

Tolimok ekapolon iŋes tema, ‘Ejok nooi, irae iyoŋ eketiyan ŋolo ikikinyomitae! Ikwaŋina ikikinyomitere iyoŋ anibore a ŋini cici, ipolokini iyoŋ ŋitaunio ŋitomon.’

Yoa. 12:43

Aminasi ikes akitopolooro alotuŋa akilo akitopolooro aneni ka Akuj.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 3:20

Ituŋanan ŋini itiyae aronis itidiŋit akica ka nyebuni nakica, anerae ekuryanit atemar isileereunio ŋiticisyo keŋ ŋulu aronok.

Yoa. 5:41

“Nyewarit ayoŋ akitopolooro alotuŋa,

Yoa. 8:43

Kaanukiro ikipiyoritor iyes akiirar ŋuna erworo ayoŋ? Anerae iwounito iyes apupokin ŋakiro kaŋ.

Ŋirom. 2:10

Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ.

Ŋirom. 2:29

Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Ŋikor. 10:18

Nyecamunit Ekapolon ituŋanan ŋini iteyenuna bon, nai ecamunit Ekapolon ŋini iteyenunit iŋes elope.

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

1 Ŋites. 2:6

Pa ewaritae isua arwonu alotuŋa, kerae aneni kus kori anituŋanan a idio.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.

Yak. 2:1

Ŋikaitotoi kaŋ, ikwapei iraakatar iyes ŋikanupak ŋulu ke Ekapolon yok a Yesu Kristo, ŋolo erae Ekapolon ka apolou, nyitemokino iyes atyakatyak ŋituŋa.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

Yud. 1:25

Neni keŋ, a ŋolo erae Akuj ŋina donupei, Ekaiunan yok alotooma Yesu Kristo Ekapolon yok, toyai akipuro, apolou, agogoŋu ka apedor, tari eriŋa nyesubuna akwap, tokona ka ŋikaru ka ŋikaru! Amen.

1 Sam. 15:30

Toboŋok Saul tema, “Adau ayoŋ akisec, nai inakinae ayoŋ apolou tokona alokiŋaren ŋikasikou ŋulu a ŋituŋa kaŋ ka alokiŋaren Ŋisirael. Oboŋosi ka ayoŋ, ikotere ayoŋ elip neni ke Ekapolon Akuj kon.”

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’