Yoa. 5:4 - Ebaibul

⁴ anerae ŋicesaae abuneene emalaika ŋolo ke Ekapolon nabwal akicakulakin ŋakipi. Ituŋanan ŋini esyauni alomar nakipi icakulakini emalaika, aŋaleuni iŋes alodeke a daadaŋ a ŋolo adyaka iŋes.]

Yoa. 5:4 Iomraidhean Croise

2 Ŋirw. 5:10

Kiyakiya Elisa ituŋanan alimokin Naaman ebe, “Tolot kiloŋari anaŋolol Yorodan ŋakiloŋaret ŋakanikaarei tosodi tojokyar akuwan kon toŋaleu.”

Ŋikiru. 119:60

nyarubakini ayoŋ etiyae ŋace, nyadidi akiwuap ŋakiciketa kon.

Ŋakit. 6:4

Nyicamu ŋajo epote neni kon, nyicamu ŋajo kimukumukut anakonyen kon,

Ŋakit. 8:17

Amina ayoŋ ŋulu akaminasi ayoŋ, akaryamunete ayoŋ ŋulu ekewarito elelakinito.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Esek. 47:8

Tema ekile ŋol neni kaŋ, “Eleleete ŋakipi nu nakwap ŋina eyai lowae ŋolo alo Kide, ido totiyaaros Araba. Ani elomarete nanam ŋina ewuatar ŋakipi, toruwor ŋakipi ŋuna ajokak.

Osea 13:13

Ikwaan ŋituŋa a Isirael ka ikoku ŋini eryeba toto keŋ aŋuna ka akidoun, nai ikwaan ikes ka ikoku ŋini eriŋa eyai nakook a toto keŋ, ŋini nyeos, ido tari kedol apaki ŋina idounere iŋes, towounite alomun kiŋa anakook a toto keŋ.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Mat. 11:12

Ameun alorwa a Yoana ke Ekebatisan akitodol tokona, eryamunit Apukan ka Akuj ŋican ŋulu apolok; nabo eŋirikinito ŋikadedeŋak alemar iŋes ka agogoŋu.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Luk. 13:24

“Toŋirikisi ka agogoŋu alomar alokek a ŋolo adidiŋan. Anerae akalimokini ayoŋ iyes atemar, eŋirikinete ŋikalalak alomar tooma, nai nyepedorete.

Luk. 16:16

“Etatamyo koloŋ Ŋikisila a Moses ka ŋakigireta ŋuna a ŋikadwarak tari lorwa ŋulu a Yoana ke Ekebatisan. Ŋinapei alorwa a ŋul, aponi kisyakinae alimonokin Ŋakiro ŋuna Ajokak ŋuna ka Apukan ka Akuj. Nabo ecamit ŋinituŋanan alomar Napukan ka agogoŋu.

Yoa. 5:3

Aperete ŋituŋa ŋulu alalak ŋulu adyakasi lobarasanin ŋul; ŋimudukanotin, ŋikaŋwalak ka ŋulu elilim ŋakoyo. [Edarito ikes ŋakipi kicakulakinae,

Yoa. 5:5

Ayai nen ekile ŋolo adyaka ŋikaru ŋatomoniuni ka ŋikanikauni.

Yoa. 5:7

Toboŋok ekadyakan ŋol tema, “Ekapolon, emam ayoŋ ituŋanan ŋini ekelumokini nabwal edoli apaki ŋina icakulakinotor ŋakipi, anerae ani ekatakini ayoŋ akiculumikin nakipi, kisyau ice kiŋaren okodepa ayoŋ.”

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.