Yoa. 5:37 - Ebaibul

³⁷ Papa daŋ ŋolo ekeyakuunit ayoŋ, iŋes elope eteyenu ŋuna a kire aŋuna kaŋ. Nyiirara iyes etoil keŋ, kori nyeanyuna tari neni ikoni iŋes.

Yoa. 5:37 Iomraidhean Croise

Awos. 20:19

Temasi ikes neni a Moses, “Bua erae iyoŋ ikisirwor isua, epupokinio isua ŋakiro ŋun. Nai nyicamak Akuj ebuni akisirwor isua, ani kikisirwor Akuj isua, ikitwaki isua.”

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Mar. 1:11

Ŋinapeipaki kirworik etoil anakuj ebala, “Irae iyoŋ Lokoku kaŋ ŋolo minat ŋolo alelyania ayoŋ.”

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Luk. 3:22

Bu Etau ŋolo Asegan ikoni akuri min kidiama keŋ, ido kirworik etoil anakuj tema, “Irae iyoŋ Lokoku kaŋ ŋolo minat ŋolo alelyania ayoŋ.”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 5:32

Eyai icetuŋanan ŋini eketeyenunit ayoŋ ka ayeni ayoŋ atemar ŋuna elimunit iŋes aŋuna kaŋ erae ŋuna a kire.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Yoa. 8:18

Eteyenuna ayoŋ bon, nabo Papa kaŋ ŋolo ekeyakuunit, iŋes eketeyenunit ayoŋ.”

Ŋikis. 4:12

Abu nai Ekapolon kirwor neni kus eyai narira. Ipupete iyes ŋakiro keŋ, nai pa iteete iyes iŋes, ipupete iyes etoil bon.

1 Tim. 1:17

Toyai akerit ka apolou ŋina nyedaun neni ke Erwosit a ŋolo ipukae ŋikaru ka ŋikaru, ŋolo nyetwani, ŋolo erae iŋes bon erae Akuj! Amen.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

1 Yoa. 4:12

Emam ŋini eŋolik Akuj ŋinapei koloŋ. Ani kikiminin iwon make, iboi Akuj alotooma yok, ido itemokin kire amina keŋ neni yok.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.

1 Yoa. 5:9

Ikinupit akiteyenunet ŋina a ituŋanan, nai akiteyenunet ŋina ka Akuj iŋes egogoŋ nooi ka ainaki iŋes akiteyenunet ŋin aŋuna a Lokoku keŋ.