Yoa. 5:21 - Ebaibul

²¹ Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:21 Iomraidhean Croise

1 Ŋirw. 17:21

Torwakin nai Eliya neni a edya ŋarwakinet ŋauni, kikaloik Ekapolon tema, “Okoe Ekapolon Akuj kaŋ, kimyek edya lo toyaru.”

2 Ŋirw. 5:7

Ani irikakini erwosit a Isirael akisyom abaruwa ŋin, tocilicili ŋilowi keŋ tocelu tema, “Arae ayoŋ Akuj ŋina aari ŋituŋa kori ŋina eteyarununui a? Kaanukiro iyakunitor etuŋanan ŋol ekile lo neni kaŋ atemar etaŋaleu ayoŋ anadyak atapon? Toanyutu mono iyes epite ŋolo iwaritor iŋes ebura ka ayoŋ?”

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋitic. 26:8

Kaanukiro egogoŋio iyes akinup atemar epedori Akuj akiteyarun ŋikatwak?

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,