Yoa. 5:20 - Ebaibul

²⁰ Anerae emina Papa Lokoku keŋ, itoodyanakini iŋes ŋuna daadaŋ itiyae iŋes elope. Itoodikini nabo daŋ iŋes ŋiticisyo ŋulu apolok akilo ŋul, ikotere iumokinete iyes.

Yoa. 5:20 Iomraidhean Croise

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 17:5

Ani eriŋa Petero irworo, bu edou ŋolo akwaŋan kya, torapuwa ikes aribo kirworik etoil alodou ebala, “Erae lo Lokoku kaŋ ŋolo minat, ŋolo alelyania ayoŋ, topupo iŋes!”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Mat. 4:8

Ya nabo Satan Yesu lomoru ŋoloti aoyan, kitoodik iŋes ŋibukui daadaŋ ŋulu ka akwap ka ekecebari daadaŋ,

Luk. 10:22

“Akainaki ayoŋ Papa kaŋ ŋiboro daadaŋ. Emam ituŋanan ŋini eyeni atemar Lokoku iŋes iŋae, mati Papa; nabo emam ŋini eyeni atemar Papa iŋes iŋae, mati Lokoku ka ŋulu daadaŋ ecamit Lokoku akiteyenun Papa keŋ neni kec.”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 10:32

Tolimok Yesu ikes tema, “Eketoodik ayoŋ iyes ŋiticisyo ŋulu alalak ŋulu ajokak, ŋulu eponito aneni a Papa. Ali aloticisyo a ŋul icamitotor iyes akimasya ayoŋ a ŋamoru?”

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Yoa. 15:15

Nyeriŋa ayoŋ akanyarit iyes ŋiketiyak, anerae nyeyeni eketiyan ŋuna itiyae ekapolon keŋ, nai tokona akanyarit ayoŋ iyes ŋikonei, anerae akalimok ayoŋ iyes ŋuna daadaŋ eira aneni a Papa kaŋ.

Yoa. 17:26

Eketeyenu ayoŋ iyoŋ ikes ka arubakini ekoni nenipei, ikotere min amina ŋina ikiminar iyoŋ ayoŋ tooma kec ka ayoŋ daŋ tooma kec.”

Yoa. 3:35

Emina Akuj Papa Lokoku keŋ ka ewuak ŋiboro daadaŋ nakan keŋ.

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:25

Akalimokini ayoŋ iyes kire atemar, ebunit apaki ka iŋes napei na, ŋina eponiata ŋikatwak akiirar etoil ŋolo a Lokoku ka Akuj; ikes ŋulu iirarete, eyarete.

Yoa. 5:29

Elomunete ikes kiŋa; ŋulu itiyato ŋuna ajokak, eyarunete toryamut akiyar; ŋulu itiyato ŋuna aronok, eyarunete totubokinae.

2 Pet. 1:17

Ayakae isua nen apaki ŋina ainakinia Akuj Papa iŋes apolou ka apedor, ŋina abunio etoil neni keŋ aneni ka Akuj anakica a ŋina ka apolou keŋ, ebala, “Erae lo Lokoku kaŋ ŋolo minat, ŋolo alelyania ayoŋ!”