Yoa. 5:19 - Ebaibul

¹⁹ Tolimok Yesu ikes tema, “Akalimokini ayoŋ iyes kire atemar, emam idiobore ŋini epedori Lokoku akitiya bon, nai itiyae iŋes ŋuna make iŋolikini iŋes Akuj Papa keŋ itiyae, anerae ŋuna daadaŋ itiyae Papa, itiyae Lokoku daŋ ikwaŋinapei.

Yoa. 5:19 Iomraidhean Croise

Akisy. 1:1

Anakisyakinet, abu Akuj tosub kidiama ka akwap.

Akisy. 1:26

Tema nai Akuj, “Osubutu ŋituŋa eyakatar ŋasima yok, ikikwaan ka iwon; kipukata ikes ŋityaŋ ŋulu ka anam, ŋikyeny ŋulu alokidiama, ŋibaren ka ŋityaŋ daadaŋ ŋulu ka akwap ta ibore daadaŋ ŋini elyat alokwap.”

Ŋikiru. 138:3

Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 50:6

Elimorit nakuj akiyookino ka Akuj ka atemar Akuj alope erae akatubon ŋakiro.

Awos. 4:11

Kiŋit nai Ekapolon iŋes tema, “Ŋae ainakini ituŋanan erwor? Ŋae ituruwonori iŋes ŋini nyirworo, kori ŋini ekiŋimana, ŋini ekyenyi, kori ŋini emudukana? Erae ayoŋ Ekapolon ainakini.

Ŋakit. 2:6

Ekapolon iŋes ikiinanakini aosou; Ekapolon elimununui ŋakiro ŋuna ka aosou ka ŋuna ka ayenun.

Isa. 44:24

Alimu Ekapolon Ekalakunan kus, ŋolo abu ikiyeu iyes anakookyes atatoto kus ebe, “Arae ayoŋ Ekapolon ŋolo asubuni ŋiboro daadaŋ, ayoŋ abu opetak kidiama, ayoŋ elope abu opetak akwap.

Isa. 45:24

Etemarete ŋituŋa aŋuna kaŋ ebe, “Neni ke Ekapolon bon eya akiyookino ka agogoŋu. Ŋituŋa daadaŋ ŋulu apotu toŋero Ekapolon, epote neni keŋ, ido isurumyo ŋileec.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Mat. 26:39

Torotok iŋes kiŋaren iwadio, kibusokin kwap kijuuru kilip tema, “Okoe! Papa, ani kepedor, tolema ekopo ŋolo a ŋican lo aneni kaŋ. Meere nai ikwa acamitor ayoŋ, nai ikwaŋina icamitor iyoŋ.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Yoa. 10:18

Emam ituŋanan ŋini akademari ayoŋ akiyar kaŋ, nai ajalit ayoŋ iŋes anacamit kaŋ a elope. Ayakar ayoŋ apedor ŋina jalet iŋes ka ayakar ayoŋ apedor ŋina ryamunet iŋes nabo. Erae ŋun ŋuna ekecikak Papa kaŋ ayoŋ akitiya.”

Yoa. 12:49

Anerae nyerworo ayoŋ aŋuna ka apedor kaŋ bon, erae Papa ŋolo ekeyakuunit ayoŋ, iŋes ekecikakinit ŋakiro ŋuna itemokino olimu ka erwor.

Yoa. 12:50

Ayeni ayoŋ atemar akiciket keŋ iŋes eyauni lotuŋa akiyar ŋina nyedaun. Ŋuna alimuni ayoŋ, alimuni alopite a ŋolo akalimokinitor Papa.”

Yoa. 14:10

Nyinupit iyoŋ atemar ayai ayoŋ tooma Papa ka eyai iŋes tooma kaŋ a? Ŋuna daadaŋ erworo ayoŋ nyerworo ka apedor kaŋ bon, nai Papa ŋolo iboi alotooma kaŋ, iŋes itiyae ŋiticisyo keŋ.

Yoa. 2:19

Tolimok Yesu ikes tema, “Tobwaŋabwaŋaasi Akai ka Akuj na; abuni ayoŋ adukokin nabo alorwa a ŋiuni bon.”

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Yoa. 8:28

Aŋun, tolimok Yesu ikes tema, “Ani kidaut iyes akikyaar Lokoku a Ituŋanan kidiama, iŋes nai iponiata iyes ayenun atemar ‘Arae Ayoŋ ŋolo Arae Ayoŋ,’ toyenutu daŋ atemar nyetiyae ayoŋ idiobore aŋuna ka apedor kaŋ bon, nai erworo ayoŋ ŋuna eketatamit Papa kaŋ alimor.

Yoa. 9:4

Itemokino iwon etiyata ŋiticisyo ŋulu a ŋolo ekeyakuunit ayoŋ eriŋa erae apaaran; ebunit akiryonut ŋina ka akuwar, ŋina nyepedorya idiotuŋanan akitiya.

Ŋitic. 2:24

Nai abu Akuj kiteyaru iŋes alokatwak; tolacu iŋes anapipilu a ŋina ka atwanare, anerae pa apedori atwanare akien iŋes.

Ŋirom. 6:4

Aŋuna nai ka akibatisao yok, iwon ikipotu omora atwanare keŋ ka aponi itonuki ka iŋes; ikotere nai iwon daŋ ikiyari anakiyar a ŋina kitete, ikwaŋinapei eteyarunere Kristo alokatwak aŋuna ka apolou a ŋina ka Akuj a Papa.

Ŋirom. 8:11

Ani keyai tooma kus Etau ŋolo ka Akuj ŋolo eteyaruni Kristo alokatwak, iteyaruni daŋ iŋes ŋawat kus ŋuna etwakete alotooma Etau keŋ ŋolo eyai tooma kus.

1 Ŋikor. 15:12

Ŋakiro nu ikes ikilimonokini isua: adaun akiteyarun Kristo alokatwak. Kaanukiro nai ebaakatar ŋice kus nyiteyarunio ŋikatwak?

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

2 Ŋikor. 5:10

Anerae, itemokino iwon daadaŋ owua alokiŋaren Kristo ekatubonokinan yok. Eryamuni nai ŋinituŋanan eropit ŋolo emaikina iŋes toryamu lopite ŋolo itiyator iŋes ejok kori erono alokuwane a lo.

Ŋiep. 2:5

tari ŋina ikitwakitor iwon alotai alokiŋaren Akuj aŋuna a ŋasecisya yok, abu iŋes ikiinak iwon akiyar kaapei ka Kristo. Toyenutu: erae aŋuna ka ajokis a ŋina ka Akuj ikiunere iyes!

Ŋiep. 3:16

Elipenene ayoŋ neni ka Akuj ikiinak iyes anabaru a ŋina a ŋarereŋisyo keŋ apedor ŋina kicaset alotai kus alotooma Etau keŋ

Ŋipil. 3:21

Ilocokini iŋes ŋawat yok ŋuna palag ka ŋuna etwakete, kituruwo ikes ŋuna ikwaan ka akuwan keŋ ŋina ka apolou a ŋina anakuj. Isitiyae iŋes apedor ŋina epedoritor akiwuakin ŋiboro daadaŋ Napukan keŋ.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋikol. 1:11

Agasi ayoŋ atemar ikitogogoŋ iyes apedor ŋina ka Akuj ŋina epol nooi, ikotere topedosi akidaŋidaŋ ŋiboro daadaŋ alotooma atitinyu ka alelyan.

Ŋikol. 1:16

Anerae abu Akuj tosub alotooma keŋ ŋiboro daadaŋ ŋulu eyakasi kidiama ka ŋulu anakwap, ŋulu etakanete ka ŋulu nyetakanete, kaapei ka ŋipyan ŋulu eyakatar ŋapedorosyo, ŋikapolok, ŋikepukak ka ŋikawuokinitok akwap. Abu Akuj tosub akwap daadaŋ aneni keŋ ka aŋuna keŋ.

1 Ŋites. 4:14

Ikinupit iwon atemar abu Yesu totwan ka abu toyaru, ikwaŋinapei, iteyaruni Akuj ŋikatwak ŋulu sek anupito Yesu, ido ya ikes kaapei ka Kristo neni keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.