Yoa. 4:19 - Ebaibul

¹⁹ Tolimok aberu iŋes tema, “Ekapolon, aanyu ayoŋ atemar irae iyoŋ ekadwaran.

Yoa. 4:19 Iomraidhean Croise

2 Ŋirw. 5:26

Nai kiŋit Elisa iŋes tema, “Ikwa pa ikirukit ayoŋ ka iyoŋ alotau apaki ŋina adokunia ituŋanan anagaari a ŋaŋolei akisiryam iyoŋ a? Erae mono na apaki ŋina emaikina kijaununeere ŋisiliŋa, ŋilowi, ŋimanikorin ŋulu a ŋikito ka akimyet, epiini, ŋamesekin, ŋimoŋin, ŋipi ka ŋapi a?

2 Ŋirw. 6:12

Toboŋok epei a ŋikapolok a ŋasigarya keŋ tema, “Ekapolon, mam ipei daŋ. Erae ekadwaran ŋolo enyaritae Elisa alo Isirael, iŋes elimonokini erwosit a Isirael ŋakiro ŋuna irworo iyoŋ anagule kon a ŋina iperi iyoŋ.”

Mat. 21:11

Toboŋokis ŋasepico a ŋituŋa temasi, “Erae ŋol ekadwaran, Yesu ŋolo a Nasaret anakwap a ŋina a Galileya.”

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Luk. 7:16

Totaaŋaŋa ŋituŋa daadaŋ kitopoloosi Akuj temasi alokabule kec, “Kedolu ekadwaran ŋolo apolon kidiŋ yok. Abu Akuj aiun ŋituŋa keŋ!”

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Yoa. 4:18

anerae idau iyoŋ akiruk ka ŋikilyok ŋikan; ka ŋolo tokona irukitotor iyoŋ, meere lokile kon. Aŋun, ilimu iyoŋ ŋuna a kire.”

Yoa. 4:29

“Potu kiŋolikisi ekile ŋolo abu okolimok ayoŋ daadaŋ ŋuna adau ayoŋ akitiya. Meere ba ca iŋes Kristo?”

Yoa. 6:14

Ani iŋolikinete ŋituŋa akujuwuanut ŋina abu Yesu kitiya, kisyakis atemar, “Kire erae lo ekadwaran ŋolo itemokino bu nakwap!”

Yoa. 7:40

Kedaut ŋituŋa akiirar ŋakiro ŋuna erworo Yesu, apotu ŋice kirworo temasi, “Erae lo kire ekadwaran!”

Yoa. 9:17

Kiŋita nabo Ŋiparisayon ekile ŋol temasi, “Itami tokona iyoŋ atemar ŋae ekile ŋolo ikitekienyuni iyoŋ?” Toboŋok iŋes tema, “Erae iŋes ekadwaran.”

Ŋikis. 18:15

Ebuni Ekapolon Akuj kus aseun aŋuna kus alotuŋa kus ekadwaran ece ŋolo ikikwaan ka ayoŋ, emaikina iyes kiwuapa ŋakiro a ekadwaran a ŋol.