Yoa. 4:14 - Ebaibul

¹⁴ nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 4:14 Iomraidhean Croise

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 31:25

Esieŋuni ayoŋ ŋulu eupit. Esimwoni ŋulu einaa akoro.”

Esek. 47:9

Neni daadaŋ eleleyari aŋolol ŋin, eyarete ŋisubuna daadaŋ ŋulu a ŋakipi, eyakaun nakipi ŋun ŋikolya ŋulu alalak nooi, anerae neni daadaŋ elomarete ŋakipi ŋun ananam, eruwor ŋakipi a nen ŋuna ajokak; eyari ibore daadaŋ aneni eleleiyari aŋolol.

Ŋilep. 11:36

Nai ani kerae lolelya, kori kare neni eya ŋakipi ecakakin akuwan a esubuna a idio a ŋini etwanit, erubakini elelya, kori akare pa itoroniyaritae, nai ibore daadaŋ ŋini etapakin akuwan a isubuna a ŋin a idio a ŋini kimasakin nakipi, eruwor ibore ŋin ŋini itoroniyaritae.

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Yoa. 10:10

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Yoa. 11:26

Nabo ŋini eyari, okonupite ayoŋ, nyetwani jik. Inupit iyoŋ nu a?”

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:11

Tolimok aberu iŋes tema, “Ekapolon, imamukar iyoŋ ibore ŋini okunet ŋakipi, nabo daŋ eoya akare. Ai nai ilemunia iyoŋ ŋakipi ŋuna eteyarak ŋun?

Yoa. 4:13

Toboŋok Yesu aberu ŋin tema, “Ŋini emasi ŋakipi nu, enyami akure nabo;

Yoa. 4:36

Eryamuni ŋolo elemi eropit ŋolo ka akilem--ŋaraito ŋuna ka akiyar a ŋina nyedaun, ikotere elelyanete ŋolo etan ka ŋolo aleman kaapei.

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

Yoa. 6:58

Erae ŋin akimuj ŋina ebunit anakuj; nyikoni iŋes akimuj ŋina apotu atapapaa kus kimuja, nai apotu totwaka ekaku. Kire, ŋini imuji akimuj ŋin, eyari jik.”

Yoa. 7:37

Akoloŋit ŋina esidyon ŋina apolon nooi akilo, anasuban a ŋuna edukere ŋitogoi, tonyou Yesu tocelu tema, “Ŋini enyamit akure, bu neni kaŋ tomat.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

2 Ŋikor. 1:22

ewuak iŋes emacar keŋ neni yok ka ewuak Etau keŋ lotai yok erae ibore ŋini ikiteyenuni iwon atemar eryamunio ibore ŋini adau iŋes akiikin.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 7:16

Emam nabo jik nyenyami ikes akoro kori akure; nyenomi ikes akoloŋ kori acemwanis.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”