Yoa. 4:10 - Ebaibul

¹⁰ Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:10 Iomraidhean Croise

Ŋikiru. 10:17

Okoe Ekapolon, iira iyoŋ akiitanit a ŋituŋa kon a ŋulu itiditeuna make. Isimukekini iyoŋ ŋitai kec, ipupokini iyoŋ ŋakiro kec.

Ŋikiru. 46:4

Eyai aŋolol ŋina eyaunit alakara lotuŋa ŋulu iboiyete alotaun a ŋolo ka Akuj, anakibois a ŋina asegan a ŋina eyai Akuj ŋina epol nooi.

Awos. 17:6

Awoi ayoŋ alokiŋaren kon anataaba a ŋina eyai lomukura ŋolo enyaritae Oreb. Toram ataaba ŋin, elomunete ŋakipi a nen, ido tomata ŋituŋa.” Abu Moses kitiya ŋun iteete ŋikasikou a Ŋisirael.

Eete a Ŋie. 4:15

Ikwaan iyoŋ ka elelya ŋolo elelyanakini ŋimanikorin, akare ŋina a ŋakipi a ŋuna eteyarak, ŋakipi ŋuna eleleunito alo Lebanon.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 35:6

eporete nai ŋikaŋwalak ikwa ŋatili ka eokinete ka alakara ŋulu sek ikajikajasi. Elomunete ŋakipi analoŋisat ka eleleiyarete ŋakipi anayona a ŋuna analoŋisat,

Isa. 42:6

Arae ayoŋ Ekapolon, akanyarau ayoŋ iyes anakiyookino, ikiriit ayoŋ ka iyes, ekeurya iyes; iyoŋ iruwuor acamunet kaŋ ka ŋituŋa, iyoŋ iruwor akica a ŋituŋa a ŋakwapin,

Isa. 43:20

Eketopoloorete ayoŋ ŋityaŋ ŋulu ka ariet, ŋikweei ka ŋikaleeso, anerae ewuakini ayoŋ ŋakipi naloŋisat ka ŋaŋololin naonite, ikotere ŋituŋa kaŋ ŋuluseuna emasete,

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Luk. 11:13

Kipedorete nai iyes ŋulu iroko ainakin ŋidwe kus ibore ŋini ajokan, nyepedori nai Papa kus ŋolo anakuj ŋolo ejok nooi akilo iyes ainakin Etau ŋolo Asegan neni a ŋulu iŋitasi a?”

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 3:16

Kire, abu Akuj tomina akwap nooi, tojal tari Lokoku keŋ ŋolo donupei, ikotere ŋini enupi iŋes nyebukori, nai toryamu akiyar ŋina nyedaun.

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Ŋitic. 9:11

Tolimok Ekapolon iŋes tema, “Tonyou tolot lorukude ŋolo enyaritae, ‘Erukude ŋolo Idiiri,’ kiŋitu alokai a Yuda ekile ŋolo alo Taso, ŋolo enyaritae Saulo. Ilipi iŋes.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

1 Ŋikor. 10:4

tomata daŋ ŋakipi ŋuna ainakini iŋes ikes. Apotu ikes tomata anataaba a ŋina ka Akuj a ŋina arukito ka ikes; arae ataaba ŋin Kristo elope.

2 Ŋikor. 9:15

Olakaros neni ka Akuj aŋuna ka ainakinet keŋ a ŋina apolon a ŋina nyepedoryo alimun.

Ŋiep. 2:8

Anerae erae aŋuna ka ajokis a ŋina ka Akuj ikiunere iyes, aiuno ŋina ipotu iyes toryamut ananupit kus.

Ŋibur. 6:4

Nyepedorete ŋituŋa ŋulu adaut akiŋer anupit kec akibelekin nabo anasecit kec. Anapakio a ŋace a ŋuna alunyarosi, ayenete ikes ŋakiro ŋuna ka Akuj; eirito ainakinet ŋina anakuj ka aryamunito Etau ŋolo Asegan.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”