Yoa. 3:8 - Ebaibul

⁸ Ekusi ekuwuam neni ecamit ka iirari iyoŋ akirurum keŋ, nai nyianyuni neni ebunitor kori neni elosi. Ikote nenipei aneni a ŋinituŋanan idounitoe a Etau a ŋolo ka Akuj.”

Yoa. 3:8 Iomraidhean Croise

Ŋikiru. 107:25

anerae abu Ekapolon kirworik, ido abu ekuwuam ŋolo apolon tokut, kisyakis ŋikaguragurae a ŋakipi ŋulu apolok atakanun.

Ŋikiru. 107:29

Abu kitidipok ekuwuam, ido apotu ŋikaguragurae a ŋakipi ananam todipakin.

Ŋikiru. 135:7

Eyaununui iŋes ŋidouwon anakisaleta ka akwap; eyaununui iŋes akimilyaa aŋuna ka akiru, ido eyaununui ekuwuam aneni sek eyai.

Ekal. 1:6

Ekusi ekuwuam lowae ŋolo alo Kwap, ido kirimo a nen lowae ŋolo alo Kuju, irimi ekuwuam ekusi alowae ke epei tari ŋoloce. Erubakini ekuwuam ekusi irimi itorenene nenipei sek.

Esek. 37:9

Abu nai Ekapolon okolimok ayoŋ tema, “Lokoku a ituŋanan, todwar aŋuna eakieŋanu, tolimok ekieŋanu atemar ikilimok iyoŋ Ekapolon Akuj abunore alotooma ŋolowae daadaŋ, toloma nakoyo ŋunaatwak nu, ikotere kituruwo ikes nabo ŋuna eyarete.”

Yoa. 1:13

Pa aruworosi ikes ŋidwe ŋulu ka Akuj alopite a ŋolo sek euriyere ŋituŋa, anagogoŋu ka anacamit a ituŋanan, nai Akuj alope iŋes abu kituruwo ikes ŋidwe keŋ.

Yoa. 3:7

Nyiumok robo aŋuna akalimok ayoŋ iyoŋ atemar itemokino iyes daadaŋ ikidoun nabo.

Yoa. 3:9

Kiŋit Nikodemo Yesu tema, “Epedori nai ŋakiro ŋun ikwaani?”

Ŋitic. 2:2

Tonaŋakin ikes atipei eruye ŋolo esibit ŋolo ke ekuwuam a ŋolo apolon ebuni alokidiama, kiryam tooma akai ŋina aya ikes.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

1 Ŋikor. 12:11

Ŋainakineta ŋun daadaŋ erae Etau ŋolo Asegan ŋolopei ŋol einanakini, iŋes ekoranakini neni a ŋinituŋanan anacamit keŋ.

1 Ŋikor. 2:11

Ŋae alotuŋa eyeni ŋatameta a ŋuluce? Etau a ituŋanan ŋolo eyai tooma keŋ, iŋes bon eyeni. Ikwaŋinapei, emam ituŋanan eyeni ŋatameta ŋuna ka Akuj mati Etau ŋolo ka Akuj.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.