Yoa. 3:4 - Ebaibul

⁴ Kiŋit Nikodemo Yesu tema, “Epedori ituŋanan akidouno nabo ikwaani kemojoŋ? Epedori mono iŋes alomar nakook a toto keŋ kidounoe nabo a?”

Yoa. 3:4 Iomraidhean Croise

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Yoa. 6:53

Aŋun, tolimok Yesu ikes tema, “Akalimokini ayoŋ iyes kire atemar, ani pa kimuja iyes akuwan a Lokoku a Ituŋanan ka tomata ŋaokot keŋ, nyiyakaunotor akiyar tooma kus.

Yoa. 6:60

Ani iirarete ŋikasyomak a Yesu ŋulu alalak ŋakiro ŋun, temasi, “Egogoŋ ekitatame lo! Ŋae epedori akiirar?”

1 Ŋikor. 1:18

Anerae akirot ŋina ke emusalaba erae abaŋao aneni a ŋituŋa a ŋulu ebukoro, nai aneni yok a ŋulu ikiiun erae apedor ŋina ka Akuj.

1 Ŋikor. 2:14

Ituŋanan ŋini emamukar Etau ŋolo ka Akuj, nyecamuni ŋakiro ŋuna ke Etau a ŋolo ka Akuj, anerae erae ŋun abaŋao aneni keŋ; ido nyepedori ayenun ikes, anerae epedorosi ŋun ayenun anakiŋarakinet a ŋina ke Etau a ŋolo ka Akuj bon.