Yoa. 3:34 - Ebaibul

³⁴ Ŋolo iyakuunit Akuj, iŋes irworo ŋakiro ŋuna ka Akuj, anerae ilelebikinit Akuj Etau ŋolo Asegan neni keŋ, pa ipimim.

Yoa. 3:34 Iomraidhean Croise

2 Ŋirw. 2:9

Kedaut ikes atubor ekekwaye, kiŋit Eliya Elisa tema, “Tolimokinae, inyoni icamit iyoŋ ayoŋ etiya aŋuna kon eriŋa nyeyaara ayoŋ aneni kon?” Toboŋok Elisa tema, “Kimyekinae ayoŋ oryamu apedori ŋina iyakar iyoŋ kiyatak ace ŋina etya nenipei.”

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Isa. 59:21

Alimu Ekapolon ebe, “Erae na acamunet kaŋ ka ikes. Ameun tokona tari ŋikaru ka ŋikaru, etau kaŋ ŋolo eyai neni kus ka ŋakiro kaŋ ŋuna ewuak ayoŋ nakituka kus, nyiyotorete anakituka kus, kori anakituka a ŋidwe kus, kori anakituka a ŋidwe kec.”

Ŋilep. 7:35

Ŋinerin a ŋibaren ŋul, ikes etyakakinitae Aron ka ŋidwe keŋ ŋulusapa anainakineta a ŋuna epeyo neni ke Ekapolon. Isyanakinete ikes aryamunun ŋinerin ŋul, apaki ŋina isyakiniata akitiyanakin Ekapolon ikwapei ŋisacaradotin.

Ekim. 11:25

Abu nai Ekapolon totiyaun eyai lodou kirwor neni a Moses, tolema etau keŋ edyo aneni a Moses inak neni a ŋikasikou a ŋulutomonikanikaarei, ani emini etau a Ekapolon neni kec, apotu ikes todwara. Nai nyedwara ikes nabo.

Mat. 12:18

“Kiŋolikisi, erae lo eketiyan kaŋ ŋolo aseu ayoŋ, eminat kaŋ ŋolo eketalakarit ayoŋ nooi. Eyakuuni ayoŋ etau kaŋ bu neni keŋ, ikotere tolimokinia ŋituŋa ŋulu a ŋakwapin ŋakiro ŋuna ka atubokino.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Yoa. 1:16

Analalau a ŋina ka ajokis keŋ, ikiterereŋ iŋes iwon daadaŋ, ikitoropikinit iŋes iwon ŋarereŋisyo.

Yoa. 15:26

“Ebuni ekeŋarakiniton, ŋolo eyakuuni ayoŋ aneni a Papa. Erae iŋes Etau ŋolo irworo ŋuna a kire; ebuni iŋes akiteyenun ayoŋ.

Yoa. 16:7

Nai akalimokini ayoŋ iyes ŋuna a kire atemar, ikijoikini iyes kalot ayoŋ, anerae pa kalot ayoŋ aneni kus, nyebuni ekeŋarakiniton neni kus. Nai kalot ayoŋ, eyakuuni iŋes neni kus.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Yoa. 7:16

Toboŋok Yesu ikes tema, “Akitatam kaŋ meere ŋina kaŋ, erae ŋina a ŋolo ekeyakuunit ayoŋ.

Yoa. 8:40

Ŋuna daadaŋ adau ayoŋ akitiya erae alimokin iyes ŋuna a kire ŋuna abu ayoŋ eira aneni ka Akuj; nai iwarito bo iyes akiar ayoŋ. Pa ekote ŋuna etiyae Aburaam nen.

Yoa. 8:47

Ŋini ebunit aneni ka Akuj epupi ŋakiro ŋuna ka Akuj; nai nyiponito iyes aneni ka Akuj, iŋes nyipupyoto ŋakiro ŋun.”

Ŋitic. 1:2

akitodol akoloŋit ŋina ayaarere iŋes kidiama nakuj. Ani eriŋa iŋes nyeyaara nakuj, abu kicik Ŋikiyakia keŋ, ŋulu sek aris iŋes keseu alotooma apedor ŋina ke Etau a ŋolo Asegan.

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋikol. 1:19

Anerae abu Akuj alope tolakari tocamu atemar toyakaunor Lokoku keŋ epite daadaŋ ŋolo ikoni ŋolo keŋ.

Ŋikol. 2:9

Anerae eyai akujuwuanut daadaŋ ŋina ka Akuj Papa neni a Kristo alokuwane keŋ

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.