Yoa. 3:13 - Ebaibul

¹³ Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 3:13 Iomraidhean Croise

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 8:20

Toboŋok Yesu iŋes tema, “Eyakatar ŋikweei ŋaduyon ka eyakatar ŋikyeny ŋakais; nai emam Lokoku a Ituŋanan neni kieŋunet.”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 13:3

Ayeni Yesu atemar abu Papa kiwuak ŋiboro daadaŋ nakan keŋ; ayeni daŋ iŋes atemar abuni aneni ka Akuj, ido eboŋori nabo nenipei keŋ.

Yoa. 17:5

Papa, inakinae ayoŋ apolou tokona alokiŋaren kon, apolou ŋinapei ikiyakar ayoŋ ka iyoŋ eriŋa tari akwap nyesubuna.

Yoa. 3:12

Ani pa kinupito iyes ŋuna erworo ayoŋ ŋuna ka akwap, ikokinete nai iyes inupete, erae kakalimok ayoŋ iyes ŋuna anakuj ai?

Yoa. 3:31

“Ŋolo ebunit alokidiama, epol akilo daadaŋ. Ŋolo ebunit alokwap, erae ŋolo ka akwap; irworo daŋ ŋuna ka akwap. Nai ŋolo ebunit anakuj,

Yoa. 6:33

Anerae akimuj ŋina ka Akuj iŋes ŋina ebunit anakuj ainakin akwap akiyar.”

Yoa. 6:38

anerae nyabunit ayoŋ anakuj akitiya acamit kaŋ, nai akitiya acamit a ŋolo ekeyakuunit ayoŋ.

Yoa. 6:42

Kirworikinos ikes make temasi, “Meere lo lokoku a Yosepu a? Nyikiyeni mono iwon papa keŋ ka toto keŋ a? Ikokini iŋes elimuni ebe ebunit iŋes anakuj ai?”

Yoa. 6:46

Nyabala ayoŋ aanyu idiotuŋanan Papa, nai ŋolo ebunit aneni ka Akuj, iŋes bon aanyu Papa.

Yoa. 6:51

Arae Ayoŋ akimuj ŋina ka akiyar a ŋina ebunit anakuj; ŋini imuji akimuj ŋin, eyari iŋes jik. Akimuj ŋina ainakini ayoŋ toyarya akwap, erae akuwan kaŋ.”

Yoa. 6:62

Ani bo nai kiŋolikis iyes Lokoku a Ituŋanan edokari neni ebunitor iŋes?

Yoa. 8:42

Toboŋok Yesu ikes tema, “Kerae torae Akuj Papa kus, kikiminasi iyes ayoŋ, anerae abunit ayoŋ aneni ka Akuj. Pa abunit ayoŋ aŋuna kaŋ, nai iŋes ekeyakuuni ayoŋ.

Ŋitic. 2:34

Anerae nyeloto Daudi nakuj, nai abu tema, ‘Atema Ekapolon neni ke Ekapolon kaŋ, kiboikin teten kaŋ,

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋirom. 10:6

Nai ŋuna ikamunito akiyookino alokiŋaren Akuj anakiwuapit anupit, igiritae Nakigireta ebe, “Nyitema alotau kon, ŋae elosi kidiama nakuj?” (iŋes atemar aŋuna ka ayaun Kristo kwap.)

1 Ŋikor. 15:47

Adam ŋolo eŋarenon, ŋolo asubunio analup, erae ekaakwap. Adam ŋolo a ŋiarei ŋolo erae Kristo, erae ekanakuj.

Ŋiep. 1:23

Ido erae iŋes akou a Ŋikristo a ŋulu eraakasi akuwan keŋ. Erae akuwan keŋ ŋin akisiyookinet ŋina a ŋolo erae iŋes elope isiyookini ŋiboro daadaŋ anakiboisyo a daadaŋ.

Ŋikis. 30:12

Nyeyakasi ŋun kidiama ŋidouwon, ido itemasi iyes, ‘Ŋae elosi kidiama nakuj aŋuna kosi, ikiinu isua ŋakiciketa ŋun ikotere isua eirasi, ido ericakisi ikes?’