Yoa. 21:18 - Ebaibul

¹⁸ Akalimokini ayoŋ iyoŋ kire atemar, ŋina iriŋaakar iyoŋ isorokana, ibu iyoŋ kitemonokin, tonyou tolot neni icamit. Nai ŋina imojoŋi, ikeari iyoŋ ŋakan kon, ikitemok icetuŋanan iyoŋ itoriko neni nyicamit iyoŋ alosit.”

Yoa. 21:18 Iomraidhean Croise

Luk. 12:37

Erereŋ nooi ŋiketiyak ŋulu erukauni ekapolon kec ekienyete apaki ŋina eboŋunio iŋes. Akalimokini ayoŋ iyes kire atemar, enyiki iŋes ŋilowi keŋ, kisiboik ikes tokorak akimuj.

Yoa. 13:36

Kiŋit Simoni Petero Yesu tema, “Ekapolon, ai ilosi iyoŋ?” Toboŋok Yesu iŋes tema, “Nyikitupakini iyoŋ ayoŋ neni alosi tokona, nai ikitupuni iyoŋ ayoŋ ekaku.”

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Yoa. 21:19

(Alimuni Yesu ŋakiro ŋun kitoodiunia epite ŋolo ebunio Petero atwanare, ido kitopoloo Akuj.) Ani kedau alimun ŋun, tolimok Petero tema, “Kiwuapakinae ayoŋ.”

Ŋitic. 21:11

Bu iŋes neni kosi, tolema arokoba ŋina a Paulo, toenia ŋakejen keŋ pei ka ŋakan tema, “Ŋuna ebala Etau ŋolo Asegan ikes nu: eenete Ŋiyudayan elope ŋolo ka arokoba a na alo Yerusalem ka ipotokinete ikes iŋes lotuŋa ŋulu nyerae Ŋiyudayan.”

2 Ŋikor. 5:4

Anerae, ani eriŋa iwon ikiya loeema lo, ŋolo ka akwap a na, ikirurumae ka ikiridakinitae; meere aŋuna ikicamitor alemar ekuwane lo ŋolo ka akwap, nai ikicamit iwon onapa ŋawat ŋuna nyesalunete, ikotere kiliko akiyar ŋina nyesaluni akuwan ŋina esaluni.