Yoa. 21:16 - Ebaibul

¹⁶ Kiŋit Yesu Simoni Petero akiŋiset ŋina a ŋaarei tema, “Simoni lokoku a Yoana, ikimina iyoŋ ayoŋ a?” Toboŋok Petero tema, “Ee Ekapolon, iyeni iyoŋ atemar akamina ayoŋ iyoŋ.” Tolimok Yesu iŋes tema, “Kiyok ŋikaalei kaŋ ŋulu meesekin.”

Yoa. 21:16 Iomraidhean Croise

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 95:7

Erae iŋes Akuj yok; ikirae iwon ŋituŋa keŋ ŋulu iyoki iŋes, ŋamesekin ŋuna itani iŋes. Okoe, kiirasi ŋakiro ŋuna irworo iŋes ebe,

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Mat. 2:6

‘Iyoŋ Betelem akwap a Yuda, meere iyoŋ idit nooi alotaunio a ŋulu a Yuda. Anerae alotooma kon elomuni ekarikon ŋolo iyoki ŋituŋa kaŋ Ŋisirael.’ ”

Mat. 25:32

Ecunakinosi ŋituŋa a ŋakwapin a daadaŋ kiŋaren keŋ. Totyak iŋes ikes ŋatyaket ŋaarei ikwaŋina etyakia ekeyokon ŋamesekin ka ŋamee.

Mat. 26:72

Topeg nabo iŋes ŋun daŋ, kikoŋ tema, “Nyayeni ayoŋ ekile ŋol!”

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 18:17

Kiŋit apese ŋin Petero tema, “Meere iyoŋ daŋ epei alokasyomak ke ekile a ŋol a?” Toboŋok Petero tema, “Meere.”

Yoa. 18:25

Ariŋa Petero ewuoi iwuaŋa. Kiŋita ŋuluce iŋes temasi, “Meere iyoŋ daŋ epei alokidiŋ ŋikasyomak keŋ a?” Nai topeg Petero ŋun tema, “Meere.”

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

Akis. 7:17

Anerae eruwor Imesek ŋini alokidiŋ ekicoloŋ ekeyokon kec. Itenari ikes lolelyan ŋulu a ŋakipi a ŋuna ka akiyar ka emyetari Akuj ŋakiyo anakonyen kec.”