Yoa. 21:12 - Ebaibul

¹² Tolimok Yesu ikes tema, “Potu kimuja.” Emam tari edio alokasyomak ŋolo abu totitinyik akiŋit iŋes tema, “Ŋae iyoŋ?” Ayenete ikes atemar arae Ekapolon.

Yoa. 21:12 Iomraidhean Croise

Mat. 22:46

Emam ituŋanan ŋini abu toboŋok Yesu adiokirot, anyoun akoloŋit ŋin, emam ituŋanan ŋini abu totitinyik akiŋit iŋes ŋakiro ŋadi.

Mar. 9:32

Nai nyeyenut ikes ŋuna erworo Yesu, tokuryaketa daŋ akiŋit iŋes.

Luk. 9:45

Nai pa ayenete ŋikasyomak keŋ apolou a ŋakiro a ŋuna erworo iŋes. Emunonitae aneni kec, ikotere nyeyenuniata; tokuryaketa ikes akiŋit iŋes ŋakiro ŋun.

Yoa. 16:19

Ayeni Yesu atemar acamito ikes akiŋit iŋes ŋakiro ŋun. Aŋun, tolimok ikes tema, “Ikwa ŋuna iŋitanarosi iyes alokidiŋ kus ŋuna alimunit ayoŋ atemar, ‘Apaki adio cicinyikianyuwarete ayoŋ nabo; apaki adio ciciekaku, ikianyuwarete ayoŋ nabo’ a?

Yoa. 21:11

Tolot Simoni Petero kiriu atibait lokipetot, ileleba ŋikolya, arae ŋikolya daadaŋ amiat ka ŋatomonikan ka ŋiuni; tari aŋuna alalakyata daŋ, nyeŋeda apotis kec atibait.

Yoa. 21:15

Kedaut ikes akimuj, tolimok Yesu Simoni Petero tema, “Simoni lokoku a Yoana, ikimina iyoŋ ayoŋ akilo neni akaminatar ŋuluce lu a?” Toboŋok Petero tema, “Ee Ekapolon, iyeni iyoŋ atemar akamina ayoŋ iyoŋ.” Tolimok nai Yesu iŋes tema, “Kitan ŋikaalei kaŋ ŋulu meesekin.”

Yoa. 4:27

Ŋinapeipaki, todolut ŋikasyomak keŋ, toumokis eryamunete Yesu irworosi ka aberu. Nai emam idio daŋ ŋini abu kiŋit tema, “Nyo iitanit iyoŋ?” kori “Nyo irworotor iyoŋ ka aberu na?”

Ŋitic. 10:41

Nyitatakanuna iŋes lotuŋa daadaŋ, nai neni kosi make a ŋulu aris Akuj kikiseu aruwor ŋisuudae. Isua ikipotu emuja ka omata daŋ ka iŋes, kedau ayarun alokatwak.