Yoa. 20:31 - Ebaibul

³¹ Nai igiritae nu, ikotere tonupyata iyes atemar erae Yesu iŋes erae Kristo, Lokoku ka Akuj, ka alotooma anupit kus iŋes, toryamut akiyar alokiro keŋ.

Yoa. 20:31 Iomraidhean Croise

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 2:7

Abu erwosit tolimu atemar iserae iŋes ŋakiro ŋuna elimunit Ekapolon. Abu Ekapolon tema neni kaŋ, “Irae iyoŋ lokoku kaŋ. Adau ayoŋ aruwor papa kon nakoloŋit na.

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Mat. 27:54

Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Mat. 4:3

Bu eketemon neni keŋ tema, “Ani kirae iyoŋ Lokoku ka Akuj, kituluwo ŋamoru nu toruworos akimuj.”

Mar. 16:16

Ituŋanan ŋini enupi kibatisae, eiunio, nai ŋini nyenupi, etubokinio.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Luk. 1:4

Etiyae ayoŋ ŋun, ikotere toyenunia iyoŋ abeit kire ŋina a ŋakiro a ŋuna kikitatamianakinio iyoŋ.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

Yoa. 10:10

Elomuni ekokolan akoko bon, akiar ka akinyasun ŋamesekin; nai abunit ayoŋ ainakin ikes akiyar, akiyar ŋina ka akileile.

Yoa. 19:35

(Ituŋanan ŋini ete ŋakiro ŋun itiyakin, iŋes abu kisuuda, ikotere iyes daŋ tonupyata. Ŋuna erwor iŋes erae ŋuna a kire ka eyeni atemar erworo ŋuna a kire.)

Yoa. 20:28

Tolimok Tomas Yesu tema, “Ekapolon kaŋ, Akuj kaŋ!”

Yoa. 3:18

Iŋes ŋini enupi Lokoku ka Akuj, nyetubokinio; ŋini nyenupi, etubokinitae sek, anerae nyenupit iŋes ekiro a Lokoku ka Akuj a ŋolo donupei.

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Ŋitic. 10:43

Iteyenunito ŋikadwarak daadaŋ aŋuna keŋ atemar, ŋini daadaŋ enupi Yesu, isyoniyo ŋasecisya keŋ alokiro a Yesu.”

Ŋitic. 3:16

Aŋuna ka anupit ekiro a Yesu, aponi kitaŋaleunoe ekile lo ŋolo iteete ka ŋolo iyenete iyes. Anupit Yesu iŋes ainaki ekile lo aŋaleun kire ikwaŋina iteoto iyes daadaŋ.

Ŋitic. 8:36

Ani elosete ikes alorot, todolo neni ayakasi ŋakipi, ido tolimok ekapolon ŋol Pilipo tema, “Kiŋolik, ŋakipi nu! Nyo ekeretakini ayoŋ akibatisao?” [

Ŋitic. 8:37

Tolimu Pilipo tema, “Ani kinupit iyoŋ a ekonitau a daadaŋ, ipedori akibatisao.” Toboŋok iŋes tema, “Anupit atemar erae Yesu Kristo Lokoku ka Akuj.”]

Ŋitic. 9:20

Kisyak iŋes atipei alimonokin alosinagogae ŋakiro a Yesu ebala, “Erae Yesu Lokoku ka Akuj.”

1 Pet. 1:9

anerae iryamunete iyes aŋetakinet ŋina ka anupit kus, ŋina erae aiuno ŋina a ŋitai kus.

1 Yoa. 4:15

Ŋini elimori atemar erae Yesu Lokoku ka Akuj, iboi Akuj alotooma keŋ ka iboi iŋes alotooma Akuj.

1 Yoa. 5:1

Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

2 Yoa. 1:9

Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

Akis. 2:18

“Kigir neni ke emalaika a ŋolo ka atukot a Ŋikristo alo Tyatira atemar: “Erae ŋakiro nu ŋuna a Lokoku ka Akuj, a ŋolo ikote ŋakonyen arira ŋina ka akim ka ŋolo ecayete ŋakejen keŋ ikwa asuwat ŋina epwasitae.