Yoa. 20:19 - Ebaibul

¹⁹ Ataboŋ ŋinapei ŋin, ŋina ke Esabit, atukokina ŋikasyomak a Yesu tooma akai ŋina agolitoe ŋipukei, anerae akuryakito ikes aŋuna a ŋikarikok a Ŋiyudayan. Abu Yesu towo alokidiŋ kec tolimok ikes tema, “Toyai ekisil neni kus.”

Yoa. 20:19 Iomraidhean Croise

Ŋikiru. 122:8

Aŋuna a ŋikaitotoi kaŋ ka ŋikonei kaŋ, atemari, “Toyai ekisil tooma kon.”

Mat. 10:13

Ani kikijaut iyes ŋituŋa alokai a ŋin, itemokino togatakis ikes ekisil kus. Nai ani pa kikijaut ikes iyes, nyigatakis ikes ekisil kus.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Mar. 16:14

Ekaku, abu Yesu totakanu neni a ŋikasyomak keŋ a ŋulutomon ka epei apaki ŋina emujata. Kisibura iŋes ikes aŋuna pa anupitotor ka aŋuna ka aniniku a ŋatameta kec, anerae nyenupa ikes ŋakiro a ŋulu kepotu toanyut iŋes eyaruni.

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:22

Ikote nenipei ŋakiro aneni kus: iyaloloŋete iyes tokona, nai akaanyuni ayoŋ iyes nabo, ido tolelyana ŋitai kus. Emam idiotuŋanan elemari alelyan ŋin aneni kus.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Yoa. 20:21

Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.”

Yoa. 20:26

Kelunyar esabit epei, eboiyete ŋikasyomak nabo kaapei, torukito ka Tomas daŋ alokai a ŋina agolol ŋipukei. Totakanu Yesu neni kec tema, “Toyai ekisil neni kus.”

Yoa. 21:1

Kedaun ŋun, abu Yesu totakanu nabo neni a ŋikasyomak keŋ alodiyete anam Tiberia. Abu iŋes totakanu ikonata.

Yoa. 21:14

Arae atakanikinet a Yesu ŋin ŋina a ŋauni neni a ŋikasyomak keŋ, kedau ayarun alokatwak.

Yoa. 7:13

Nai amam ŋini atitinyikini akikeun ŋakiro, aŋuna ayakar akuryanu aŋuna a ŋikarikok a Ŋiyudayan.

Ŋitic. 1:3

Alotooma ŋirwa ŋatomoniomwon kelunyar atwanare keŋ, totakanu iŋes neni kec alopitesyo a ŋulu alalak a ŋulu etoodiunito kire atemar eyari iŋes; ido tolimok ikes ŋakiro ŋuna ka Apukan ka Akuj.

Ŋirom. 15:33

Toyai neni kus daadaŋ Akuj ŋina erae alope ekisil. Amen.

1 Ŋikor. 15:5

Abu kitoodiun neni a Petero ka neni a Ŋikiyakia a ŋulutomon ka ŋiarei.

Ŋiep. 2:14

Anerae Kristo elope adau ainun iwon ekisil anakituruwor Ŋiyudayan ka ŋituŋa ŋulu nyerae Ŋiyudayan ŋipei. Anatwanare keŋ alomusalaba, abu Kristo tolema akimananu ŋina sek atyakit ikwa arwatata Ŋiyudayan ka ŋituŋa ŋulu nyerae Ŋiyudayan, ŋina abu kiturubak ikes imanan.

Ŋiep. 6:23

Toyai neni a ŋikaitotoi a daadaŋ alotooma Kristo ekisil ka amina ta anupit aneni ka Akuj Papa ka aneni ke Ekapolon Yesu Kristo.

Ŋipil. 1:2

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

2 Ŋites. 3:16

Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )

3 Yoa. 1:14

egeno ayoŋ abunore atipei aanyun ka iyes, erworo kaapei ka iyes. Toyai neni kus ekisil. Ikimalaete iyes ŋikonei. Kimalata ŋikonei yok daadaŋ.

Akis. 1:4

Ayoŋ Yoana egirit emalas lo neni a ŋatukon a Ŋikristo a ŋunakanikaarei a ŋuna eyakasi Asia: Toyai ajokis ka ekisil neni kus ŋulu eponito aneni ka Akuj a ŋina erae ka arae, ka ŋina ebuni, ka aneni a ŋitai a ŋulukanikaarei, a ŋulu eyakasi kiŋaren ekicoloŋ keŋ,