Yoa. 20:17 - Ebaibul

¹⁷ Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 20:17 Iomraidhean Croise

2 Ŋirw. 4:29

Tolimok Elisa Geasi tema, “Toenik arokoba nacir kon, tolema ebela kaŋ, tosodi tolot. Nyiwo akimal idiotuŋanan. Ani kikimal ituŋanan iyoŋ, nyiboŋok. Tolot jik tari kai, tosodi kidokok ebela kaŋ loreet a idya.”

2 Ŋirw. 7:9

Kirworikinos nai ikes make temasi, “Nyejokak ŋakiro ŋuna ikitiyae iwon. Erae akoloŋit na ŋina ka arereŋu a ŋina ajokan; ani kimunoni iwon ŋakiro nu tari ŋina iwalarya akwap, ikiseci iwon; oloto olimokisi ekal ŋolo ke erwosit.”

Ŋikiru. 22:22

Alimokini ayoŋ ŋikaitotoi ka ŋakaitotoi kaŋ ŋuna itiya iyoŋ; ekepuri ayoŋ iyoŋ aneni ilipyata ŋituŋa.

Ŋikiru. 43:4

Nen nai alosyo ayoŋ namuroet kon Akuj, neni kon Akuj ŋina ikiinanakini ayoŋ alakara. Ekepuri ayoŋ iyoŋ arami agita, okoe Ekapolon Akuj kaŋ, Akuj ŋina elipi ayoŋ neni keŋ.

Ŋikiru. 48:14

atemar Akuj yok na ŋina a ŋikaru ka ŋikaru, iŋes erae ŋina ikiuryarit iwon ŋikaru ka ŋikaru.

Ŋikiru. 68:18

Ani ŋinibore idokarya iyoŋ Akuj kidiama, ibu iya ŋulu ekamitae alojiesyo; ibu toryamu ŋainakineta alotuŋa, tari aneni a ŋulu aŋerito atemar kiboi iyoŋ a nen, okoe Ekapolon Akuj.

Ŋikiru. 89:26

Akanyarae iŋes ayoŋ etemari, ‘Irae iyoŋ papa kaŋ, Akuj kaŋ, ataaba ŋina aiunor ayoŋ.’

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Esek. 36:28

Ŋun nai iboikinotor iyes nakwap ŋina koloŋ abu ayoŋ oinak atapapaa kus ka iruworosi iyes ŋituŋa kaŋ, aruwor ayoŋ Akuj kus.

Esek. 37:27

“‘Eyakaun akibois kaŋ ŋina eboiyo ayoŋ neni eyakasi ikes, aruwor ayoŋ Akuj kec ka eruwor ikes ŋituŋa kaŋ.

Mat. 12:50

Anerae ituŋanan daadaŋ ŋini itiyae ŋuna ecamit Papa kaŋ ŋolo eyai nakuj, iŋes erae lokaato kaŋ, nakaato kaŋ ka toto kaŋ.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 28:7

Nai toloto atipei tolimokis ŋikasyomak keŋ atemar ayaru iŋes alokatwak ka elosi iŋes Galileya ikiŋarenikinit iyes; ianyunete iyes iŋes aina. Eŋuna adau ayoŋ alimokin iyes.”

Mar. 12:26

Nai nyesyoma iyes alokitaabo a Moses ŋuna a ŋikatwak a ŋulu eyarunete, ikwapei kirworor Akuj neni keŋ anamoni ebala, ‘Arae ayoŋ Akuj ŋina ka Aburaam ka Isaka ta ŋina a Yakobo’ a?

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Luk. 10:4

Nyitiŋa ecwee a ŋisiliŋa, kori ŋolo ilipanarotor, kori ŋamuk, nyicanican apaki akimal ŋituŋa.

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 13:3

Ayeni Yesu atemar abu Papa kiwuak ŋiboro daadaŋ nakan keŋ; ayeni daŋ iŋes atemar abuni aneni ka Akuj, ido eboŋori nabo nenipei keŋ.

Yoa. 14:2

Elalak ŋagulei alotooma akai a Papa kaŋ. Kerae nyikote neni, pa kakalimokinit ayoŋ iyes atemar alosi ayoŋ akitemokin akibois aŋuna kus.

Yoa. 14:28

Iirasi iyes ŋuna akalimokini ayoŋ iyes atemar, ‘Alosi ayoŋ, nai aboŋuni neni kus.’ Kerae itominasi iyes ayoŋ kire, kilelyana, anerae alosi ayoŋ neni a Papa a ŋolo epol akilo ayoŋ.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 16:28

Abu ayoŋ aneni a Papa, abu nakwap, nabo aesikini ayoŋ akwap, oboŋo neni a Papa.”

Yoa. 17:11

Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Yoa. 17:25

Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Yoa. 17:5

Papa, inakinae ayoŋ apolou tokona alokiŋaren kon, apolou ŋinapei ikiyakar ayoŋ ka iyoŋ eriŋa tari akwap nyesubuna.

Yoa. 20:27

Tolimok nai Yesu Tomas tema, “Kiwuak ekonikimoin ne, kiŋolik ŋakaakan. Torwau akonikan, kiwuak losyepi kaŋ, tojoŋo aŋayaŋayat, nai tonup!”

Yoa. 7:33

Tolimok Yesu ikes tema, “Ikiruki ayoŋ ka iyes adiotipei, oboŋo nai neni a ŋolo ekeyakuunit ayoŋ.

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

2 Ŋikor. 6:18

Abuni ayoŋ oruwor Papa kus ka iruworosi iyes daŋ ŋidwe kaŋ ŋulusapa ka ŋulupesur, adau Ekapolon ŋolo etiron alimun.”

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋibur. 11:16

Nai arae akibois ŋina ajokan akilo eitanito ikes, akibois ŋina eyai nakuj. Aŋun, nyirumito Akuj ŋileec enyarito ikes iŋes Akuj kec, anerae etemok etaun aŋuna kec.

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.

Akis. 21:7

Ŋini ilouni, eryamuni ŋun aneni kaŋ, aruwor ayoŋ Akuj keŋ ka eruwor iŋes lokoku kaŋ.