Yoa. 20:16 - Ebaibul

¹⁶ Tolimok Yesu iŋes tema, “Maria!” Toboboŋ Maria tolimu a Ŋaburaniyae tema, “Rabbuni!” (Iŋes atemar eketataman.)

Yoa. 20:16 Iomraidhean Croise

Akisy. 22:1

Kelunyar ŋakiro ŋun daadaŋ, kikatak Akuj Aburaam tonyara iŋes tema, “Aburaam,” Tema Aburaam, “Ayai.”

Akisy. 22:11

Nai tonyara emalaika ke Ekapolon Aburaam anakuj tema, “Aburaam, Aburaam.” Tema Aburaam, “Ayai.”

Akisy. 45:12

Itete tokona iyes a ŋakonyen kus ka ite lokaato kaŋ daŋ Benjamin atemar ayoŋ elope erworo neni kus.

Awos. 3:4

Ani iŋolikin Ekapolon atemar alot Moses diyete nen akiŋolikin, tonyara Akuj iŋes alotooma amoni tema, “Moses, Moses!” Tema Moses, “Ayai.”

Awos. 33:17

Tema Ekapolon neni a Moses, “Acamuni ayoŋ ŋakiro ŋun, ŋuna ilipa iyoŋ; anerae ijokiar iyoŋ aneni kaŋ ka ayeni ayoŋ ekiro kon.”

Eete a Ŋie. 3:4

Alunyar bon ayoŋ aneni kec, abu ayoŋ oryamu ŋolo emina etau kaŋ, abu ayoŋ otunakin iŋes ka nyemyek iŋes tolot akitodol ŋina ayaunia ayoŋ iŋes kai a toto kaŋ, nagule ŋina akapotiunio iŋes ayoŋ.

Eete a Ŋie. 5:2

Abu ayoŋ ojotoor, nai ayari etau kaŋ, abu ayoŋ eira ŋolominat kaŋ ikoŋikoŋi ekek ebala, “Toŋaarae nakaato kaŋ, ŋinaminat kaŋ, ŋina iyapara alopitesyo ka ŋina ajokan nooi. Ekopik akau kaŋ, etapalal ainac ŋina ka akuwar ŋitim kaŋ.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Mat. 14:27

Nai kirworik Yesu neni kec atipei tema, “Totitinyikisi! Erae ayoŋ. Nyikibul!”

Mar. 10:51

Kiŋit Yesu iŋes tema, “Icamit iyoŋ ekekoki ayoŋ iyoŋ ai?” Toboŋok emuduk tema, “Eketataman, kitekienyunae.”

Luk. 10:41

Tolimok Yesu iŋes tema, “Marita, Marita! Iyaloloŋi iyoŋ ka ituupa ŋakiro ŋuna alalak akidiŋ;

Yoa. 1:38

Kiŋoliya Yesu kaku, kiŋolik ikes iwuapito iŋes, kiŋit tema, “Nyo iwarito iyes?” Toboŋokis ikes temasi, “Rabbi (iŋes atemar Eketataman)! Ai eyai ekonire?”

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

Yoa. 10:3

Ebuni eketen ŋolo ke epuke aŋaar iŋes, iirarete ŋamesekin etoil keŋ, enyarae iŋes ŋamesekin keŋ a ŋirorwa kec, tomia ikes kiŋa.

Yoa. 11:28

Ani kedau Marita alimun ŋun, tolot neni a nakaato keŋ Maria, tolimok aneni keŋ bon tema, “Eyai Eketataman nege, ikinyarit iyoŋ.”

Yoa. 13:13

Ikinyarito iyes ayoŋ Eketataman ka Ekapolon. Ee, iyookinito iyes, anerae arae kire ayoŋ.

Yoa. 20:28

Tolimok Tomas Yesu tema, “Ekapolon kaŋ, Akuj kaŋ!”

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 5:2

Eyai diyete epuke ŋolo enyaritae “Epuke ŋolo a ŋamesekin” alo Yerusalem, abwal ŋina erikaunito ŋibarasanin ŋikan. Enyaritae abwal ŋin a Ŋaburaniyae Betesaida.

Yoa. 6:25

Ani eryamunete ŋituŋa Yesu alokekwaye anam, kiŋita iŋes temasi, “Eketataman, ori idolunio iyoŋ nege?”

Ŋitic. 10:3

Akoloŋit apei eapikini ŋisaae ŋikanikaomwon ŋulu ka apaaran, toanyuwa iŋes atakanikinet, kiŋolik emalaika ŋolo ka Akuj ileere ebunit neni keŋ, tolimok iŋes tema, “Kornelio!”

Ŋitic. 9:4

Kimasar iŋes kwap, kiira etoil ebala neni keŋ, “Saulo, Saulo! Kaanukiro ikisicanitor iyoŋ ayoŋ?”

1 Sam. 3:10

Abu nai Ekapolon bu towo a nen, tonyara ikwapei sek anyarar ebe, “Samuel, Samuel!” Tema nai Samuel, “Kirworik Ekapolon, anerae apupi ayoŋ ŋolo arae eketiyan kon. ”

1 Sam. 3:6

Tonyara nabo Ekapolon iŋes tema, “Samuel!” Tonyou Samuel tolot neni ke Eli tema, “Ayoŋ lo, abu ayoŋ, anerae ibu iyoŋ ikinyar ayoŋ.” Nai tema Eli, “Ikoku kaŋ, nyenyara ayoŋ iyoŋ, toboŋo toper.”