Yoa. 2:4 - Ebaibul

⁴ Tolimok Yesu iŋes tema, “Okoe akimat! Kaanukiro eraakar iwon ikimitakinit? Eriŋa apaki kaŋ nyedolo.”

Yoa. 2:4 Iomraidhean Croise

2 Sam. 16:10

Nai kiŋit erwosit Abisai tema, “Anukiro mono emaikina ayoŋ etiya neni kus ŋidwe a Seruia ŋulusapa? Ani kicenonor iŋes aŋuna alimokinia Ekapolon ebe, ‘Kicen Daudi’ ŋae nai epedori akiŋita ebe, ‘Kaanukiro icenio iyoŋ Daudi?’ ”

2 Sam. 19:22

Nai abu Daudi kiŋit iŋes tema, “Nyo mono emaikina ayoŋ etiya neni kus ŋidwe a Seruia ŋulusapa, aŋuna iruworotor iyes nakoloŋit na ŋimoe kaŋ? Ejok mono akiar ituŋanan idio alo Isirael akoloŋit na a? Nyeyenuna mono ayoŋ akoloŋit na atemar arae ayoŋ erwosit ŋolo epukat Isirael a?”

1 Ŋirw. 17:18

Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

Ekal. 3:1

Eyai apaki a ibore a daadaŋ, eyakasi ŋarwa aŋuna a etic a daadaŋ a ŋolo itiyao anakwap a na:

Mat. 15:28

Tosodi Yesu toboŋok iŋes tema, “Aberu, epol akoninupit, kitiyakin neni kon ikwaŋina icamitor iyoŋ.” Toŋaleu nakoku keŋ apaki ŋinapei ŋin.

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Luk. 2:49

Toboŋok Yesu ikes tema, “Kaanukiro ikiwaritotor iyes ayoŋ? Pa iyenete iyes atemar itemokino ayoŋ oyai Kai a Papa kaŋ a?”

Yoa. 12:23

Tolimok Yesu ikes tema, “Adolu tokona apaki ŋina itopoloorere Lokoku a Ituŋanan.

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 2:3

Ani keŋobasi ŋituŋa epiini, tolimok toto a Yesu iŋes tema, “Kedaun epiini kec!”

Yoa. 20:13

Kiŋita ŋimalaikan Maria temasi, “Aberu, kaanukiro igworor iyoŋ?” Toboŋok Maria ikes tema, “Egworo ayoŋ, anerae kelemar akuwan ŋina ke Ekapolon kaŋ, ka nyayeni ayoŋ neni kiwuakis ikes iŋes.”

Yoa. 20:15

Kiŋit Yesu Maria tema, “Aberu, kaanukiro igworor iyoŋ? Ŋae iwarit iyoŋ?” Abala Maria kori erae ekile ŋol eketen emanikor; aŋun, tolimok iŋes tema, “Ekapolon, ani kerae iyoŋ ilemarit iŋes, tolimokinae neni iwuakinit iyoŋ iŋes, ikotere olot olema.”

Yoa. 7:30

Kikatakis nai ikes akikamun iŋes, nai emam ŋini abu totap iŋes, anerae ariŋa apaki keŋ nyedoluno.

Yoa. 7:6

Tolimok Yesu ikes tema, “Eriŋa apaki kaŋ nyedoluno, nai apaki kus, eyai ne jwi jwi.

Yoa. 7:8

Apesi toloto nasuban, nai nyalosi ayoŋ, anerae eriŋa apaki kaŋ.”

Yoa. 8:20

Kirwor Yesu ŋakiro ŋun daadaŋ apaki ŋina etatamya alo Kai ka Akuj, anagule a ŋina ewuakinitae ŋasadukui ŋuna a ŋisiliŋa. Emam ituŋanan abu kikamu iŋes, anerae ariŋa nyedoluno apaki keŋ.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋikis. 33:9

ŋulu apotu temasi neni atapapa kec ka atatoto kec, “Nyikimisitae isua iyes.” Apotu ikes nyemitakis ŋiyeneta kec ka toŋero ŋidwe kec, anerae ericito ikes ŋakiro kon ka ericito Acamunet kon.