Yoa. 2:16 - Ebaibul

¹⁶ Tolimok ŋulu agyelanarete ŋakuryo tema, “Tolemasi ŋiboro lu a ne! Nyituruworosi Akai a Papa kaŋ ŋina kicurutaet!”

Yoa. 2:16 Iomraidhean Croise

Yer. 7:11

Aruwor mono itete iyes Akai na ŋina enyaritere a ekiro kaŋ neni eŋopitotor ŋikokolak a? Toyenete atemar ete ayoŋ daŋ ŋun.

Mat. 21:12

Toloma Yesu Kai ka Akuj, kirita ŋituŋa ŋulu agyelanarete ka ŋulu agyelete ŋiboro alo Kai ka Akuj. Tobuburiyana ŋimesae a ŋulu esyecete ŋisiliŋa ka ŋikicoloŋo a ŋulu agyelanarete ŋakuryo;

Mat. 21:13

tolimok ikes tema, “Igiritae Nakigireta atemar, ebala Akuj, ‘Enyarao Akai kaŋ Akai ŋinakilipet.’ Nai tokona ituruwosi iyes iŋes Akai ŋina eŋopitotor ŋikokolak.”

Mat. 22:5

Nai apotu ŋituŋa ŋul nyemitakis, toloto akitiya ŋikeceticisyo; tolot epei lomanikor keŋ, ŋoloce tolot lodukan keŋ.

Mar. 11:17

Kisyak Yesu akitatam ebala, “Elimunitoe alotooma Ŋakigireta ebe, ‘Enyarao Akai kaŋ Akai ŋina ilipyata ŋituŋa ŋulu a ŋibukui a daadaŋ,’ nai tokona, ituruwosi iyes iŋes Akai ŋina eŋopitotor ŋikokolak!”

Luk. 2:49

Toboŋok Yesu ikes tema, “Kaanukiro ikiwaritotor iyes ayoŋ? Pa iyenete iyes atemar itemokino ayoŋ oyai Kai a Papa kaŋ a?”

Yoa. 10:29

Papa kaŋ, ŋolo akainakini ayoŋ, epol iŋes akilo daadaŋ, emam idiotuŋanan ŋini epedori akopor ikes anakan a Papa.

Yoa. 2:15

Kitiyau Yesu adaset a ŋaunoi, kiritarya ikes daadaŋ kaapei ka ŋamesekin ta ŋaatuk alo Kai ka Akuj, kielana ŋisiliŋa a ŋulu esyecak, ka tobuburiyana ŋimesae kec.

Yoa. 20:17

Tolimok Yesu iŋes tema, “Nyikitap ayoŋ, anerae eriŋa ayoŋ nyeboŋoro neni a Papa kaŋ; nai tolot, tolimok ŋikaitotoi kaŋ atemar alosi ayoŋ neni a Papa kaŋ, a ŋolo erae Papa kus daŋ; neni ka Akuj kaŋ, a ŋina erae Akuj kus daŋ.”

Yoa. 5:17

Tolimok Yesu ikes tema, “Itiyae Papa kaŋ ŋapakio daadaŋ ka etiyae ayoŋ daŋ ikwaŋinapei.”

Yoa. 8:49

Toboŋok Yesu ikes tema, “Emam ekipye aneni kaŋ; akerit ayoŋ Papa kaŋ, nai nyikikerito iyes ayoŋ.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!