Yoa. 2:11 - Ebaibul

¹¹ Arae ŋin akujuwuanut ŋina esyaunan ŋina etiyae Yesu alo Kana, anakwap a ŋina a Galileya. Alopite a ŋol kisileerek iŋes ikes apolou keŋ, tonupa ŋikasyomak keŋ iŋes.

Yoa. 2:11 Iomraidhean Croise

1 Ŋirw. 17:24

Tema nai aberu ŋin neni ke Eliya, “Ayenu tokona ayoŋ atemar irae iyoŋ ekile ŋolo irae ituŋanan ŋini ka Akuj ka akirot a Ekapolon ŋina irworo iyoŋ, erae ŋina a kire.”

Ŋikiru. 72:19

Akipuro toyai neni ka Akuj aŋina eyakar apolou ŋikaru ka ŋikaru; elipi kilelebun apolou keŋ nakwap daadaŋ. Amen! Amen!

Ŋikiru. 96:3

Kiserata apolou keŋ neni a ŋituŋa, kiserata ŋiticisyo keŋ ŋulu ka aumokin neni a ŋituŋa daadaŋ,

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Awos. 4:9

Ani pa kenupa ikes ŋakiro kon anakujuwanisya a ŋunaarei a ŋun, kori pa kiirasi ŋuna ibala iyoŋ, tooku ŋakipi ŋadi anaŋolol Nile, tobukok kwap neni aonon. Eruwor ŋakipi ŋun ŋaokot epete kwap.”

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Mal. 2:2

Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 1:43

Akoloŋit ŋina atupakini ŋin, totyaku Yesu alosit nakwap a Galileya. Kiryamun iŋes ka Pilipo, tolimok tema, “Kiwuapakinae ayoŋ.”

Yoa. 1:50

Tema Yesu, “Inup iyoŋ tokona aŋuna alimunio ayoŋ atemar akaanyuwarit iyoŋ alokwap ebobore a? Ibuni iyoŋ aanyun ŋakiro ŋuna apolok nooi akilo ŋun.”

Yoa. 10:41

Potu ŋituŋa ŋulu alalak neni keŋ temasi, “Nyitiya Yoana adiokujuwuanut, nai ŋuna daadaŋ abu iŋes kirwor aŋuna ke ekile a lo, erae ŋuna a kire.”

Yoa. 11:15

nai aŋuna kus, alakara ayoŋ aŋuna pa ikirukitor ayoŋ ka iŋes, ikotere iyes inupyata. Nai apena oanyutu iŋes.”

Yoa. 11:47

Tocunakinos nai ŋisacaradotin ŋulu apolok ka Ŋiparisayon Natukot kec temasi, “Okoe, ikikokini ai? Kire itiyae ekile lo ŋakujuwuanisya ŋuna alalak.

Yoa. 12:18

Arae ŋakiro ŋun ikes aponiata ŋituŋa toloto akisiryam Yesu, anerae aris kiirasi atemar etiya iŋes akujuwuanut.

Yoa. 12:37

Ani tari kitiya iŋes ŋakujuwuanisya ŋuna alalak iteete ikes, nyenupa ikes iŋes.

Yoa. 12:41

Alimuni Isaya ŋakiro ŋun, anerae abu kiŋolik apolou a Yesu, kisyak nai akirwor aŋuna keŋ.

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Yoa. 16:27

anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 16:30

Ikiyeni tokona isua atemar iyeni iyoŋ ŋakiro daadaŋ, iŋes nai nyiitanitor idiotuŋanan akiŋit iyoŋ akirot. Ikitunupa nu isua atemar, ibunit iyoŋ aneni ka Akuj.”

Yoa. 2:1

Ani kelunyar ŋirwa ŋiarei, toyakaun ekiitanu lotaun ŋolo a Kana, nakwap a Galileya. Ayai toto a Yesu nasuban ŋun.

Yoa. 2:23

Ani eriŋa Yesu eyai Yerusalem, alorwa a ŋulu a Paska, apotu ŋituŋa ŋulu alalak tonupa ekiro keŋ, anerae eteete ŋakujuwuanisya ŋuna etiyae iŋes.

Yoa. 3:2

Abu iŋes tolot nakwaare neni a Yesu tolimok tema, “Eketataman, ikiyeni isua atemar irae iyoŋ eketataman ŋolo ibunit aneni ka Akuj, anerae emam idiotuŋanan epedori akitiya ŋakujuwuanisya ŋuna itiyae iyoŋ, mati erukito Akuj ka iŋes.”

Yoa. 4:3

Ani nai iirari Yesu ŋuna erworoe, torotok iŋes alo Yudeya, toboŋo Galileya.

Yoa. 4:46

Toboŋo nabo Yesu lotaun ŋolo a Kana, nakwap a Galileya, neni etuluworya iŋes ŋakipi toruwor epiini. Ayai nai lotaun a Kaperenaum ekarikon ece ŋolo adyaka lokoku keŋ.

Yoa. 4:54

Arae ŋin akujuwuanut ŋina a ŋaarei ŋina abu Yesu kitiya akitoodikin apolou keŋ, keboŋu alo Yudaya tari Galileya.

Yoa. 5:23

ikotere ŋituŋa daadaŋ tokerito Lokoku ikwa ekeritotor Papa. Iŋes ŋini nyekerit Lokoku, nyekerit tari Papa ŋolo abu kiyaku iŋes.

Yoa. 6:14

Ani iŋolikinete ŋituŋa akujuwuanut ŋina abu Yesu kitiya, kisyakis atemar, “Kire erae lo ekadwaran ŋolo itemokino bu nakwap!”

Yoa. 6:2

Totupakis ŋituŋa ŋulu alalak Yesu, anerae keris ikes kiŋolikis ŋakujuwuanisya ŋuna etaŋaleunio Yesu ŋituŋa ŋulu adyakasi.

Yoa. 6:26

Toboŋok Yesu ikes tema, “Akalimokini ayoŋ iyes kire atemar, ikiwarito iyes ayoŋ meere aŋuna iponiata toyenut apolou a ŋakujuwuanisya, nai erae aŋuna iponiata kimuja ŋamugati, kimwoko.

Yoa. 6:30

Kiŋita ŋituŋa Yesu temasi, “Anikujuwuanut ibuni iyoŋ akitiyakin, eŋolikisi isua, ido onupa ŋakiro kon?

Yoa. 7:31

Nai tonupa ŋulu alalak anatukot iŋes temasi, “Ŋina moi ebunio Kristo, kire ebuni iŋes akitiya ŋakujuwuanisya ŋuna alalak akilo ekile lo a?”

Yoa. 9:16

Temasi Ŋiparisayon ŋice, “Nyebunit ekile ŋol aneni ka Akuj, anerae nyiricakinit iŋes ekisil ŋolo ka akoloŋit a ŋina a Sabato.” Nai temasi ŋice, “Okoe, ikokini mono ekile ŋolo erae ekasecan itiyae ŋakujuwuanisya ŋun ai?” Tosodi totyakatyakas ikes.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

2 Ŋikor. 4:17

Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok.

2 Ŋikor. 4:6

Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.

Ŋikis. 5:24

ido ipotu iyes temasi, “Kiŋolikisi, ikitoodik Ekapolon Akuj kus iyes akica ka apolou keŋ ka eirar isua etoil keŋ ŋolo abunit anarira. Nakoloŋit na eŋolikin isua atemar epedori Akuj akirwor neni a ituŋanan, ido erubakini ituŋanan ŋin eyari.

1 Yoa. 5:13

Ekegirakinit ayoŋ iyes nu daadaŋ, ikotere toyenuniata kire atemar iyakatar iyes akiyar ŋina nyedaun, iyes ŋulu inupito alokiro a Lokoku ka Akuj.