Yoa. 18:4 - Ebaibul

⁴ Ayeni Yesu ŋakiro daadaŋ ŋuna itiyakinio neni keŋ, kikomau kiŋaren kec, kiŋit tema, “Ŋae iwarito iyes?”

Yoa. 18:4 Iomraidhean Croise

1 Ŋirw. 18:10

Ikwaŋinapei eyarya Ekapolon Akuj kon, mam akwap, kori apukan ŋina nyiyakiyara Ekapolon kaŋ ituŋanan, ido akiwarun iyoŋ. Ani ketemasi ŋituŋa ka akwap ka adio, kori apukan ka adio ebe, ‘Emam iŋes a ne,’ etemari ŋini ikiwuarit iyoŋ lotuŋa ŋulu ka akwap a ŋin, kori ŋulu a apukan a ŋin kikoŋo ebe, ‘Nyiŋolikina isua iŋes.’

Neem. 6:11

Nai abu ayoŋ otema, “Emaikina mono ekile ŋolo ikoni ayoŋ toem a? Epedori mono ekile ŋolo ikoni ayoŋ akiem Kai ka Akuj aiun akiyar keŋ a? Nyalosi ayoŋ inaa!”

Ŋikiru. 27:3

Tari daŋ kekerikaut ayoŋ ŋimoe, nyekuryaniar etau kaŋ jik; tari daŋ kakadoloki ayoŋ ejie, arubakini ayoŋ ekinyomit Akuj.

Ŋikiru. 3:6

Nyakuryaniar ayoŋ tari aŋuna a ŋituŋa a ŋulu alalak nooi, a ŋulu atukut akiman ayoŋ alowaetin kaŋ a daadaŋ.

Ŋakit. 28:1

Eosunit ituŋanan ŋini aronon tari kemam ituŋanan iwarit akikamun iŋes, nai etitiny ituŋanan ŋini iyookino lopite ŋolo etitinyo eŋatuny.

Mat. 16:21

Ameun apaki ŋinapei ŋin, togeu Yesu akisileerekin ŋikasyomak keŋ tema, “Itemokino ayoŋ olot Yerusalem ekesicani nooi alokatukok, alosacaradotin a ŋulu apolok, aloketatamak a Ŋikisila ka okaari. Nai kelunyar ŋirwa ŋiuni, ayaruni.”

Mat. 26:2

“Iyenete iyes atemar edoŋ ŋirwa ŋiarei todol akoloŋit ŋina a ŋasuban a ŋuna a Paska, ŋina ipotorere Lokoku a Ituŋanan kibubukinoe lomusalaba.”

Mat. 26:21

Ani eriŋa ikes imujete tolimu iŋes tema, “Akalimokini ayoŋ iyes kire atemar, akalukini ayoŋ epei alokidiŋ kus.”

Mat. 26:31

Tolimok Yesu ŋikasyomak keŋ tema, “Lolo nakwaare, ielarosi iyes daadaŋ ikimyekis ayoŋ. Anerae igiritae Nakigireta ebe, ‘Abuni ayoŋ akibuŋa ekeyokon, kielar nai esipan a ŋamesekin.’

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 13:11

(Anerae ayeni Yesu ŋini alukinon iŋes; iŋes alimunio atemar, “Isegak iyes, nai meere daadaŋ.” )

Yoa. 18:5

Toboŋokis ikes temasi, “Yesu ŋolo a Nasaret.” Tolimok Yesu ikes tema, “Ayoŋ lo!” Awuasi Yuda ŋolo alukinon ka ikes.

Yoa. 18:7

Kiŋit Yesu ikes nabo tema, “Ŋae iwarito iyes?” Temasi ikes, “Yesu ŋolo a Nasaret.”

Yoa. 19:28

Ayeni Yesu atemar erikakin ŋakiro daadaŋ. (Aŋuna ka akisiyookin ŋuna igiritae Nakigireta, abu iŋes tolimu) tema, “Akanyam akure.”

Yoa. 6:64

Nai alokidiŋ kus eyakasi ŋulu nyenupito.” (Anakisyakinet, ayeni Yesu ŋulu pa anupito iŋes ka ayeni daŋ ekalukinon keŋ.)

Ŋitic. 2:28

Ikitoodik iyoŋ ayoŋ ŋirotin ŋulu elosete nakiyar ka eketelelyani ayoŋ nooi neni ikirukitor ka iyoŋ.’

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.