Yoa. 18:30 - Ebaibul

³⁰ Toboŋokis ikes temasi, “Kerae nyitiyat ekile lo ŋuna aronok, pa kikipotokinit isua iŋes neni kon.”

Yoa. 18:30 Iomraidhean Croise

Mar. 10:33

“Kiirasi! Ikidokari iwon tokona Yerusalem, neni ipotokinere Lokoku a Ituŋanan losacaradotin ŋulu apolok ka loketatamak a Ŋikisila. Etubokinete ikes iŋes atwanare ka ipotokinete daŋ neni a ŋituŋa a ŋulu nyerae Ŋiyudayan.

Mar. 15:3

Kisitakis ŋisacaradotin ŋulu apolok Yesu a ŋakiro a ŋuna alalak.

Luk. 24:7

‘Itemokino Lokoku a Ituŋanan kipotokinoe nakan a ŋikasecak, kibubukinoe lomusalaba, ido toyaru kelunyar ŋirwa ŋiuni!’ ”

Yoa. 18:29

Aŋun, abu Pilato toloma neni ayakasi ikes, kiŋit tema, “Anukiro isitakinitotor iyes ekile lo?”

Yoa. 18:31

Tolimok Pilato ikes tema, “Yaasi iyes ŋilopeyek iŋes, totubokis a Lokisila kus.” Toboŋokis Ŋiyudayan iŋes temasi, “Nyikicamakinit apukan a Ŋiromanin isua akiar ituŋanan.”

Yoa. 19:12

Ani iirari Pilato ŋakiro ŋun, kiwar epite ŋolo lacakinet Yesu; nai apotu Ŋiyudayan tocelut nabo temasi, “Ani kilacak iyoŋ iŋes, nyirae iyoŋ ekone ke ekepukan a Roma. Ŋinituŋanan ebala arae iŋes erwosit, erae emoit ŋolo ke epepukan a Roma.”

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

1 Pet. 4:15

Ani keryamu iyes idio ŋican, nyitemokino eryamuni aŋuna eraakar ekaaran, kori ekokolan, kori ekasecan ca daadaŋ, kori ŋolo iŋuconokin nakiro a ŋituŋa a ŋuluce.