Yoa. 18:20 - Ebaibul

²⁰ Toboŋok Yesu iŋes tema, “Erwor ayoŋ lotuŋa daadaŋ, emam ŋakiro ŋuna abu ewua; abu ayoŋ jwi jwi etatam alosinagogae ka alo Kai ka Akuj, aneni ecunanakin Ŋiyudayan daadaŋ. Emam akirot alimu ayoŋ ewuait.

Yoa. 18:20 Iomraidhean Croise

Ŋikiru. 22:22

Alimokini ayoŋ ŋikaitotoi ka ŋakaitotoi kaŋ ŋuna itiya iyoŋ; ekepuri ayoŋ iyoŋ aneni ilipyata ŋituŋa.

Ŋikiru. 40:9

Eserae ayoŋ aŋuna aŋakiro ka alakara anatukot a ŋituŋa a ŋulu ecunakina akilip; nyililiŋa ayoŋ akirworo ŋuna ka aiuno kon, ikwapei iyenia iyoŋ okoe Ekapolon.

Isa. 45:19

Nyirworo ayoŋ anakimunono, nyirworo ayoŋ anakwap a ŋina ka akiryonut; nyelimokina ayoŋ ŋiletok a Yakob ebe, “Kiwarae ayoŋ aneni nyaryamunor.” Ayoŋ Ekapolon, erworo ŋuna a kire, alimuni ayoŋ ŋakiro ŋuna iyookino.

Isa. 48:16

Potu diyete kaŋ, kiirasi ŋakiro nu! Ŋinapei anakisyakinet nyirworo ayoŋ anakimunono, ayai ayoŋ ŋinapei anakisyakinet. Ekeyaku tokona ayoŋ Ekapolon kaapei ka etau keŋ.”

Mat. 24:26

“Kori ani kikilimokis iyes ŋituŋa temasi, ‘Eyai iŋes ama nariet!’ nyiloto inaa, kori ani ketemasi ‘Elo!’ nyinupa.

Mat. 26:55

Apaki ŋin tolimok Yesu ŋituŋa tema, “Kan nyo iponitotor iyes akikamun ayoŋ itiŋito ŋatumio ka ŋabiroi esibit arae ayoŋ ekokolan? A ŋinakoloŋit abu ayoŋ oyakaun Kai ka Akuj etatami, ipotu iyes nyikikamut ayoŋ.

Mat. 26:65

Ŋolopeikiro, tocil Esacaradoti ŋolo Apolon nooi ŋilowi keŋ tema, “Eyany iŋes Akuj! Nyo nabo eriŋa ikiitanitor ŋisuudae ŋice? Iirasi tokona iyes ŋiyany keŋ.

Mat. 4:23

Tolot Yesu kirimo Galileya daadaŋ itatami alosinagogae kec ka tolimonokini Ŋakiro ŋuna Ajokak ŋuna ka Apukan ka Akuj, kitaŋaleununuye ŋituŋa alodekesyo a daadaŋ.

Mat. 9:35

Tolot Yesu lotaunio ka lorerya itatami ŋituŋa alosinagogae; tolimonokini ikes Ŋakiro ŋuna Ajokak ŋuna ka Apukan a ŋina anakuj. Kitaŋaleununu ŋituŋa alodekesyo a daadaŋ ka tolema apalagu daadaŋ.

Mar. 8:32

Erworo iŋes ŋakiro ŋun ileerete. Toriko Petero Yesu nawae, kiŋenyak iŋes nooi.

Luk. 21:37

Ŋirwa ŋul, etatami Yesu alo Kai ka Akuj jwi jwi, ani ewari tolot lomoru a ŋikito a ŋulu enyaritae Olipa.

Luk. 4:15

Etatami iŋes alosinagogae kec ka apotu ŋituŋa daadaŋ kituruut iŋes.

Yoa. 18:21

Nyo nai tokona ikiŋisiŋisitor iyoŋ ayoŋ? Kiŋit ŋituŋa ŋulu apotu kiirasi ŋuna abu ayoŋ erwor; eyenete ikes ŋakiro ŋuna abu ayoŋ erwor.”

Yoa. 6:59

Alimuni Yesu ŋakiro ŋun alosinagoga itatami ŋituŋa alo Kaperenaum.

Yoa. 7:14

Ani edoli kidiŋ ŋasuban, toloma Yesu Kai ka Akuj, kisyak akitatam ŋituŋa.

Yoa. 7:26

Kiŋolikisi epite ŋolo irworor iŋes alotuŋa, emam ituŋanan ŋini elimokini iŋes adiokirot. Kori ca eyenete ikes atemar erae iŋes Kristo?

Yoa. 7:28

Ikwaŋina etatamya Yesu alo Kai ka Akuj apaki ŋin, tocelu iŋes tema, “Okoe ikiyenete mono iyes ayoŋ ka iyenete neni abunitor ayoŋ a? Nyabunit ayoŋ aŋuna ka apedor kaŋ bon, nai ŋolo ekeyakuunit ayoŋ iŋes erae ŋolo a kire. Nyiyenete iyes iŋes,

Yoa. 7:4

Anerae emam ituŋanan ŋini iwuai ŋuna itiyae iŋes, erae kecamit aruun alotuŋa. Ani kitiyae iyoŋ ŋakiro ŋuna ikote ŋun, kitoodikin iyoŋ neni ka akwap!”

Yoa. 8:2

Ani iwalari, toboŋo iŋes Kai ka Akuj, tocunakin ŋituŋa neni keŋ, kiboikin iŋes, kisyak akitatam ikes.

Yoa. 8:26

Ayakar ayoŋ ŋakiro ŋuna alalak ŋuna kirworo aŋuna kus ka ŋuna tubokinet iyes. Nai ŋolo ekeyakuunit ayoŋ, iŋes erae ŋolo a kire; alimonokini ayoŋ akwap ŋuna eira ayoŋ aneni keŋ.”

Ŋitic. 26:26

Eyeni tari erwosit ŋakiro ŋun ka erworo ayoŋ neni keŋ emam akuryanu. Ayeni kire atemar emam ŋakiro ŋun ŋuna ebucara aneni keŋ, anerae nyetakanuna ŋakiro nu anakimunono.