Yoa. 17:5 - Ebaibul

⁵ Papa, inakinae ayoŋ apolou tokona alokiŋaren kon, apolou ŋinapei ikiyakar ayoŋ ka iyoŋ eriŋa tari akwap nyesubuna.

Yoa. 17:5 Iomraidhean Croise

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 10:30

Ikirae ayoŋ ka Papa ŋipei.”

Yoa. 14:9

Tolimok Yesu iŋes tema, “Pilipo, ikirukit iyoŋ ka ayoŋ ŋinapei, nai eriŋa iyoŋ nyeyenuna ayoŋ a? Ŋini adau aanyun ayoŋ, aanyu Papa kaŋ daŋ, kaanukiro nai ibaakar iyoŋ, ‘Kitoodikinae isua Papa?’

Yoa. 17:1

Kedau Yesu akirwor ŋakiro ŋun, kireo nakuj, kilip tema, “Papa, adolu apaki, kitopoloo Lokoku kon, ikotere ikitopoloo Lokoku kon iyoŋ.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Yoa. 3:13

Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 8:58

Tolimok Yesu ikes tema, “Akalimokini ayoŋ iyes kire atemar, tari eriŋa Aburaam nyeuruuna, Arae Ayoŋ ŋolo Arae Ayoŋ!”

Ŋipil. 2:6

Ekoni iŋes Akuj, nai abu nyereikin arubakin iriyanikina ka Akuj.

Ŋibur. 1:10

Igiritae nabo a Nakigireta aŋuna keŋ ebe, “Ekapolon, iyoŋ koloŋ isubuni akwap anakisyakinet ka iyoŋ pei ibu tosub nakuj.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 1:21

Alotooma keŋ, inupito iyes Akuj, ŋina eteyaruni iŋes alokatwak, ido inak iŋes apolou; ikotere nai eyakaun anupit ka akigeno kus neni ka Akuj.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 3:21

Iŋes ŋini ilouni, ainakini apedor, akiboikin ka ayoŋ lokicoloŋ kaŋ, ikwapei abunio ayoŋ daŋ elounia eboikinotor ka Papa kaŋ lokicoloŋ keŋ.