Yoa. 17:25 - Ebaibul

²⁵ Okoe Papa ŋolo ka akiyookino! Nyikiyeni iyoŋ akwap kire, nai akayeni ayoŋ iyoŋ; eyenete lu atemar ikiyakuunit iyoŋ ayoŋ.

Yoa. 17:25 Iomraidhean Croise

Isa. 45:21

Tolimutu ŋakiro kus, tolimokisi ŋuluce ŋakiro kus, emaikina iyes tocunakin kaapei kirworiut ŋakiro kus. Ŋae abu todwar ŋakiro nu koloŋ sek? Ŋae abu tolimu ŋakiro nu koloŋ sek? Pa mono arae ayoŋ Ekapolon a? Emam akuj ace mati ayoŋ bon, Akuj ŋina ka akiyookino ka ŋina arae akalakunan; emam akuj ace mati ayoŋ bon.

Mat. 11:27

“Akainaki ayoŋ Papa kaŋ ŋiboro daadaŋ. Emam ituŋanan eyeni atemar Lokoku iŋes ŋae, mati Papa, nabo emam ŋini eyeni atemar Papa iŋes ŋae, mati Lokoku ka ŋulu daadaŋ ecamit Lokoku akitoodikin Papa keŋ neni kec.

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Luk. 10:22

“Akainaki ayoŋ Papa kaŋ ŋiboro daadaŋ. Emam ituŋanan ŋini eyeni atemar Lokoku iŋes iŋae, mati Papa; nabo emam ŋini eyeni atemar Papa iŋes iŋae, mati Lokoku ka ŋulu daadaŋ ecamit Lokoku akiteyenun Papa keŋ neni kec.”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 10:15

ikwapei akayenia ayoŋ Papa kaŋ ka ayeni ayoŋ daŋ iŋes. Ajali ayoŋ akiyar kaŋ aŋuna a ŋamesekin.

Yoa. 15:21

Nai itiyakinete ikes ŋun daadaŋ neni kus aŋuna kaŋ, anerae nyeyenete ikes ŋolo ekeyakuunit ayoŋ.

Yoa. 16:27

anerae ikimina iyes Papa elope. Ikimina iŋes iyes, anerae ikiminasi iyes ayoŋ ka inupito atemar abunit ayoŋ aneni a Papa.

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 16:30

Ikiyeni tokona isua atemar iyeni iyoŋ ŋakiro daadaŋ, iŋes nai nyiitanitor idiotuŋanan akiŋit iyoŋ akirot. Ikitunupa nu isua atemar, ibunit iyoŋ aneni ka Akuj.”

Yoa. 17:11

Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Yoa. 17:18

Ikwaŋinapei ibunio iyoŋ ikiyakiya ayoŋ nakwap, eyakiyarit ayoŋ daŋ ikes nakwap.

Yoa. 17:21

Elipit ayoŋ atemar toruworos ikes daadaŋ ŋipei. “Papa! [Ikwaŋinapei iyakar iyoŋ tooma kaŋ, ka ayoŋ daŋ tooma kon,] pena ikes tooma yok, ikotere enupi akwap atemar, ikiyakuunit iyoŋ ayoŋ.

Yoa. 17:23

Ayai ayoŋ tooma kec, iyai iyoŋ tooma kaŋ, ikotere toruworos ikes ŋipei jik, ikotere nai toyenu akwap atemar ikiyakuunit iyoŋ ayoŋ ka atemar imina iyoŋ ikes, ikwaŋinapei ikiminar iyoŋ ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 17:8

Anerae alimok ayoŋ ikes ŋakiro ŋuna ikilimokini iyoŋ ayoŋ, ka acamut ikes. Ayenut ikes atemar, abunit ayoŋ kire aneni kon, ka anupa atemar, iyoŋ ikiyakuuni ayoŋ.

Yoa. 3:17

Anerae pa eyakuunit Akuj Lokoku keŋ atubokin akwap, nai ikotere eunio akwap aŋuna keŋ.

Yoa. 6:19

Kedaut ŋikasyomak amiar ataker ŋakilomitae ŋuna aapiyarito ŋakan kori ŋakanikapei, apotu kiŋolikis Yesu elosi alokidiama nakipi, ebunit keapuu nataker, ido tobul ikes nooi.

Yoa. 7:29

nai ayeni ayoŋ iŋes, anerae abunit ayoŋ aneni keŋ, ekeyakuunit iŋes ayoŋ.”

Yoa. 8:19

Kiŋita nai ikes Yesu temasi, “Ai eyai Papa kon?” Toboŋok Yesu ikes tema, “Nyikiyenete iyes ayoŋ, kori Papa kaŋ. Kerae itoyenete ayoŋ, kiyenete Papa kaŋ daŋ.”

Yoa. 8:55

Nyiyenete iyes iŋes; ayoŋ bon ayeni iŋes. Kerae otema ayoŋ nyayeni iŋes, karuwor ayoŋ ŋolo alyokonon ikwa iyes. Nai ayeni ayoŋ iŋes, ka ericakinit ŋakiro keŋ.

Ŋitic. 17:23

Apaki ŋina erimoritor ayoŋ etaun kus ka eŋolianak neni ilipyananaata iyes, abu oanyua neni imurotor iyes neni egiritae neni ebala, ‘Neni ka akuj a ŋina nyeyenio.’ Akuj ŋin nai, ŋina ilipete iyes neni keŋ nyiyenete, iŋes tokona eserae ayoŋ ŋakiro keŋ.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋirom. 3:11

emam idio daŋ eyeni ŋuna iyookino kori ŋini iwarit akimorikin ka Akuj.

Ŋirom. 3:26

Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu.

1 Ŋikor. 1:21

Ŋinapei koloŋ, abu Akuj anaosou keŋ nyecamak ŋituŋa ayenun iŋes anaosou kec, nai abu Akuj tolakar tocamu aiun ŋulu enupete anakiro a ŋuna ikilimonokin iwon, a ŋuna erae abaŋao aneni a ŋituŋa.

1 Ŋikor. 15:34

Itemokino tokyenyut, tojoŋoto asecesec, anerae nyeyenete ŋice alokidiŋ kus Akuj. Alimunit ayoŋ ŋun akisirum iyes ŋileec.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Ŋibur. 8:11

Emamukaun ituŋanan ajokis ŋina ka akiitanit akitatam ituŋanan ŋini anakwap keŋ, kori emamukaun lokaato alimokin lokaato keŋ atemar, ‘Toyenu Ekapolon,’ anerae akayenunete ayoŋ ŋituŋa daadaŋ ŋulu arwok ka ŋulu caryo.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

Akis. 13:8

Epote ŋituŋa daadaŋ ŋulu anakwap akilip neni keŋ; ŋituŋa daadaŋ ŋulu pa kigiritae ŋikecerorwa lokitaabo ŋolo ka akiyar, ŋinapei anasubunet akwap, erae ekitaabo ŋol ŋolo a Imesek a ŋini aponi toarae.

Akis. 16:5

Eira emalaika ŋolo apolokinit ŋakipi ebala neni ka Akuj, “Itubok iyoŋ iyookino, iyoŋ ŋina Asegan, ŋina irae ka ŋina arae!